കളഞ്ഞുകിട്ടിയ 5 പവൻ തിരികെ നൽകി ചുമട്ടുതൊഴിലാളികൾ

തിരുവല്ല ∙ കളഞ്ഞുകിട്ടിയ 5 പവൻ ആഭരണം ഉടമയ്ക്ക് തിരികെ നൽകി തിരുവല്ല ടൗണിലെ ചുമട്ടുതൊഴിലാളികൾ മാതൃകയായി.തിരുവല്ല കെഎസ്ആർടിസി കോർണറിനു സമീപം വച്ച് ഇന്നലെ രാവിലെ 9 മണിയോടെയാണ് 5 പവൻ വരുന്ന രണ്ട് സ്വർണ വളകൾ തൊഴിലാളികൾക്ക് ലഭിച്ചത്. തിരുവല്ല കുരിശുകവല പൂളിൽ പെട്ട സിഐടിയു യൂണിയൻ അംഗങ്ങളായ കൊച്ചുമോൻ, ലിനു, വിനോദ് ഐഎൻടിയുസി അംഗം സന്തോഷ് എന്നിവർക്കാണ് ഇത് ലഭിച്ചത്. ആഭരണം ഉടൻതന്നെ ഇവർ പൊലീസിനെ ഏൽപിച്ചു.ഉടമ നാലുകോടി സ്വദേശി അനിലിന് ഡിവൈഎസ്പി രാജപ്പൻ റാവുത്തറുടെ സാന്നിധ്യത്തിൽ ഇവ തിരികെ നൽകി.