അയ്യപ്പ സത്രം: വിഗ്രഹവുമായി രഥഘോഷയാത്ര തുടങ്ങി

റാന്നി ∙ അയ്യപ്പ സത്ര വേദിയിൽ പ്രതിഷ്ഠിക്കുന്നതിനുള്ള വിഗ്രഹവും വഹിച്ച രഥഘോഷയാത്ര ഗുരുവായൂർ ക്ഷേത്രത്തിൽ‌ നിന്നാരംഭിച്ചു. ആലങ്ങാട്ടു സംഘം പെരിയോൻ എ.കെ.വിജയകുമാറിന്റെ നേതൃത്വത്തിലാണ് ഘോഷയാത്ര തുടങ്ങിയത്.  മമ്മിയൂർ, തൃശൂർ വടക്കുംനാഥൻ, തിരുവമ്പാടി, പാറമേക്കാവ്, തിരുവള്ളുക്കാവ്, പെരുവനം, ഊരകത്തമ്മ, വെട്ടുകുന്നത്തുകാവ് എന്നീ ക്ഷേത്രങ്ങൾ സന്ദർശിച്ച ശേഷം ഇന്നലെ കൂടൽ മാണിക്യ ക്ഷേത്രത്തിലായിരുന്നു വിശ്രമം.

ഇന്ന് തൃപ്രയാർ ശ്രീരാമ ക്ഷേത്രത്തിൽ നിന്ന് 6.30ന് ആരംഭിക്കും. സത്രം ജനറൽ കൺവീനർ എസ്.അജിത്കുമാർ നെടുംപ്രയാർ, പ്രസിഡന്റ് പ്രസാദ് കുഴികാല, ചെയർമാൻ രാജേഷ്കുറുപ്പ്, കൺവീനർ ഗിരീഷ് കെ.നായർ, സജീവ്കുമാർ, സന്തോഷ് നിലയിടത്ത്, അനിൽ മുട്ടത്തിൽ, സുനിൽ മുട്ടത്തിൽ, ഉണ്ണി, ഷണ്മുഖൻ എന്നിവരാണ് ഘോഷയാത്രയ്ക്കു നേതൃത്വം നൽകുന്നത്.