മുക്കുപണ്ടം നൽകി സ്വർണം തട്ടാൻ ശ്രമിച്ച സ്ത്രീ അറസ്റ്റിൽ
Mail This Article
×
തിരുവല്ല ∙ വ്യാജ ആഭരണങ്ങളുമായി എത്തി സ്വർണക്കടകളിൽ നിന്ന് ആഭരണങ്ങൾ തട്ടിയെടുക്കുന്ന സ്ത്രീ അറസ്റ്റിൽ. പത്തനംതിട്ട കുമ്പളാംപൊയ്ക ചെങ്ങറമുക്ക് പൊലിമല നിരവേൽ മേഴ്സി എന്നു വിളിക്കുന്ന ലിസി ജോയി (55) ആണ് അറസ്റ്റിലായത്. സ്വർണം പൂശിയ മോതിരവും മറ്റും ധരിച്ച് കടയിലെത്തി പുതിയ സ്വർണാഭരണം വാങ്ങാനെന്ന രീതിയിൽ തിരയുകയും അതിനിടയിൽ വ്യാജ ആഭരണം വച്ച് സ്വർണം തട്ടിയെടുക്കുകയാണ് ഇവരുടെ രീതി. തൂക്കം കുറഞ്ഞ സ്വർണാഭരണം നൽകി തൂക്കം കൂടിയത് എടുക്കുന്ന രീതിയുമുണ്ടെന്നു പൊലീസ് പറഞ്ഞു.
ഇന്നലെ രാവിലെ എസ്പി ജൂവലറിയിൽ എത്തിയപ്പോഴാണു പിടിയിലായത്, നേരത്തേയും ഇതേ രീതിയിൽ ഈ കടയിൽ ഇവർ തിരിമറി നടത്തിയിരുന്നു. കട ഉടമസ്ഥർ ഇവരെ മനസിലായതോടെ തടഞ്ഞു പൊലീസിനെ അറിയിക്കുകയായിരുന്നു. കോട്ടയം ഈസ്റ്റ് പൊലീസ് സ്റ്റേഷനിൽ സമാനമായ തട്ടിപ്പിൽ ഇവർ പ്രതിയാണ്.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
