പുരയിടത്തിന്റെ ഗേറ്റിൽ മ്ലാവ് കുടുങ്ങി; രക്ഷിച്ച് വനം വകുപ്പ്

പയ്യനാമൺ ∙ പുരയിടത്തിന്റെ ഗേറ്റിൽ മ്ലാവ് കുടുങ്ങി. തേക്കുമല തോടിനു സമീപത്ത് ഇന്നലെ രാവിലെ എട്ടോടെയാണ് സംഭവം. കാടിറങ്ങിയെത്തിയ മ്ലാവിന്റെ കുട്ടി ഗേറ്റിനിടയിൽകൂടി കടക്കുന്നതിനിടെ കുടുങ്ങുകയായിരുന്നു. മുന്നോട്ടു പോകാനോ തിരികെ ഇറങ്ങാനോ കഴിയാത്ത അവസ്ഥയായിരുന്നു. ശരീരം മുറിവേൽക്കുകയും ചെയ്തു. നാട്ടുകാർ അറിയിച്ചതിനെ തുടർന്ന് കോന്നിയിൽ നിന്ന് വനംവകുപ്പ് അധികൃതരെത്തി മ്ലാവിനെ രക്ഷപ്പെടുത്തുകയായിരുന്നു. ഗേറ്റിന്റെ പൈപ് മുറിച്ചാണ് രക്ഷപ്പെടുത്തിയത്.