കനത്ത കാറ്റിലും മഴയിലും മരം വീണ് വീട് തകർന്നു

ഇട്ടിയപ്പാറ ∙ കനത്ത കാറ്റിലും മഴയിലും മരം വീണു വീടിനു നാശം. പഴവങ്ങാടി പഞ്ചായത്തിലെ പൂവത്തുംകുന്ന് കാക്കാനപ്പള്ളിൽ പരേതനായ കെ.സി.രാജുവിന്റെ വീടിനാണു നാശം നേരിട്ടത്. കാറ്റിൽ മരം പിഴുതു വീഴുകയായിരുന്നു. ഓടും ആസ്ബസ്റ്റോസ് ഷീറ്റുമിട്ട വീടിനു മുകളിലാണു വീണത്. രാജുവിന്റെ ഭാര്യയും മക്കളുമുണ്ടായിരുന്നെങ്കിലും ആർക്കും പരുക്കില്ല. വീടിന്റെ മേൽക്കൂര തകർന്നു. മരം മുറിച്ചു നീക്കുമ്പോൾ ബാക്കി കൂടി താഴെ വീഴുമോയെന്ന ആശങ്കയിലാണു കുടുംബം. ചൊവ്വാഴ്ച വൈകിട്ടാണു സംഭവം.