നിയന്ത്രണം വിട്ട ബസ് മതിലും വൈദ്യുത പോസ്റ്റും തകർത്തു

ബാലരാമപുരം∙ വെടിവച്ചാൻകോവിൽ ഭഗവതിനടയിൽ പിന്നോട്ടെടുത്ത കെഎസ്ആർടിസി ബസ് നിയന്ത്രണം വിട്ട് മതിലും ഇലക്ട്രിക് പോസ്റ്റും തകർത്തു. കിഴക്കേകോട്ടയിൽ നിന്നു ഭഗവതിനടയിലേക്കു വന്ന പാപ്പനംകോട് ഡിപ്പോയിലെ കെഎസ്ആർടിസി ബസാണ് അപകടത്തിൽപെട്ടത്.

ഇന്നലെ വൈകിട്ട് 6.30നാണ് സംഭവം. യാത്രക്കാരെ ഇറക്കിയശേഷം ബസ് തിരിക്കുമ്പോൾ ബ്രേക്ക് പൊട്ടിയതാണ് അപകടകാരണമെന്ന് നാട്ടുകാർ പറഞ്ഞു. ബ്രേക്ക് നഷ്ടപ്പെട്ട ബസ് പിന്നിലേക്ക് നീങ്ങുന്നത് തടയാൻ ശ്രമിച്ച കണ്ടക്ടർ തലനാരിഴയ്ക്കാണ് രക്ഷപ്പെട്ടത്.