റോഡ് കുറുകെ കടക്കവെ സ്കൂട്ടറിടിച്ചു ആദിവാസി ബാലികയ്ക്ക് ദാരുണാന്ത്യം; വിടപറഞ്ഞതു സ്വപ്നങ്ങൾ നെയ്തു കൂട്ടിയ മിടുമിടുക്കി

Blood Political Murder
അപർണ
SHARE

പാലോട് ∙ റോഡ് കുറുകെ കടക്കവേ സ്കൂട്ടർ ഇടിച്ചു തെറിപ്പിച്ചു ചികിത്സയിലായിരുന്ന ഇടിഞ്ഞാർ ട്രൈബൽ ഹൈസ്കൂളിലെ പത്താം ക്ലാസ് വിദ്യാർഥിനി ഇടിഞ്ഞാർ വിട്ടിക്കാവ് ആദിവാസി ഊര് കുന്നുംപുറത്ത് വീട്ടിൽ അപർണ(14) മരിച്ചു. ശനിയാഴ്ച പാലോട് ഫോറസ്റ്റ് റേഞ്ച് ഓഫിസിനു സമീപത്തു വച്ചായിരുന്നു അപകടം. വനിത ഓടിച്ചു വന്ന സ്കൂട്ടർ ആണ് ഇടിച്ചത്. നാട്ടുകാർ മെഡിക്കൽ കോളജ് ആശുപത്രിയിലെത്തിക്കുകയായിരുന്നു. ചികിത്സയ്ക്കിടെ ഇന്നലെ മരിച്ചു. വിദ്യാലയത്തിൽ പൊതു ദർശനത്തിനു വച്ച ശേഷം രാത്രിയിൽ തെന്നൂരിലെ ബന്ധുവീട്ടിൽ സംസ്കരിച്ചു. ശശിയുടെയും പരേതയായ സജിതയുടെയും മകളാണ്. സഹോദരൻ: ഇതേ സ്കൂളിലെ ഒൻപതാം ക്ലാസ് വിദ്യാർഥി അഖിൽലാൽ. സംഭവവുമായി ബന്ധപ്പെട്ടു പൊലീസ് കേസ് എടുത്തിട്ടുണ്ട്.

മിടുമിടുക്കി; ദുഃഖം തളംകെട്ടി ഊരുകൾ

രോഗം മൂലം അകാലത്തിൽ വിടപറഞ്ഞ അമ്മയുടെ മരണത്തിലും തളരാതെ  സ്വപ്നങ്ങൾ നെയ്തു കൂട്ടിയ അപർണ അതെല്ലാം ബാക്കിയാക്കിയാണ് പാതിവഴിയിൽ യാത്രയായത്. അപർണയുടെ ഓർമകൾ അധ്യാപകരിലും സഹപാഠികളിലും മരിക്കാത്ത നൊമ്പരമായി . വിട്ടിക്കാവ് ആദിവാസി ഊരും സമീപ ഊരുകളും ദുഃഖം തളംകെട്ടി. പഠനത്തിലും കലാ പ്രവർത്തനത്തിലും മിടുക്കിയായിരുന്നു. കവിതയെഴുതും ,നന്നായി അഭിനയിക്കും പാട്ടുപാടും. ഒന്നര വർഷത്തിനു മുൻപായിരുന്നു അമ്മയുടെ മരണം.  കുറച്ചു നാളായി തെന്നൂരിലെ അമ്മൂമ്മയുടെ വീട്ടലായിരുന്നു താമസം. കഴിഞ്ഞ പരിസ്ഥിതി ദിനത്തിൽ ഖമറുദ്ദീൻ ഫൗണ്ടേഷനുമായി ചേർന്നു വിദ്യാലയം നടത്തിയ സഹവാസ ക്യാംപിൽ അപർണയായിരുന്നു താരം. ചുറുചുറുക്കോടെ വനയാത്രയിലും കലാപരിപാടികളിലും ആശയവതരണത്തിലും പങ്കെടുത്ത ഓർമകൾ ബാക്കി.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

എന്തുകൊണ്ടാണ് ഇത്തരം ചോദ്യങ്ങളെന്നെനിക്ക് മനസ്സിലാവും | Sreenath Bhasi Latest Interview | Chattambi

MORE VIDEOS
{{$ctrl.title}}
{{$ctrl.title}}

{{$ctrl.currentDate}}

  • {{item.description}}