കണ്ടല ബാങ്ക് ക്രമക്കേട്: പഞ്ചായത്ത് പ്രസിഡന്റിനെ ഉൾപ്പെടെ ചോദ്യം ചെയ്യും
![kandala-bank കണ്ടല സർവീസ് സഹകരണ ബാങ്കിന്റെ തിരുവനന്തപുരം തൂങ്ങാംപാറയിലെ ആസ്ഥാനമന്ദിരം](https://img-mm.manoramaonline.com/content/dam/mm/mo/news/editorial/images/2023/11/10/kandala-bank.jpg?w=1120&h=583)
Mail This Article
തിരുവനന്തപുരം ∙ കണ്ടല സർവീസ് സഹകരണ ബാങ്ക് ക്രമക്കേടുമായി ബന്ധപ്പെട്ട് സിപിഎം പഞ്ചായത്ത് പ്രസിഡന്റ് ഉൾപ്പെടെയുള്ളവരെ എൻഫോഴ്സ്മെന്റ് ഡയറക്ടറേറ്റ് (ഇ.ഡി) ചോദ്യം ചെയ്യും. ഇവരോട് തിങ്കളാഴ്ച രാവിലെ കൊച്ചിയിൽ ഇ.ഡി. ഓഫിസിൽ ഹാജരാകാൻ നിർദേശിച്ചു നോട്ടിസ് നൽകി. മാറനല്ലൂർ പഞ്ചായത്ത് പ്രസിഡന്റ് എ.സുരേഷ്കുമാർ, പഞ്ചായത്ത് മുൻ വൈസ് പ്രസിഡന്റ് ഗോപകുമാർ, സഹകരണ ബാങ്ക് മുൻ പ്രസിഡന്റ് ഭാസുരാംഗന്റെ അടുത്ത ബന്ധുക്കളിൽ ചിലർ, മുൻ ഡയറക്ടർ ബോർഡ് അംഗങ്ങൾ എന്നിവർക്കാണ് നോട്ടിസ് നൽകിയത്. എൻ.ഭാസുരാംഗനും മകൻ അഖിൽജിത്തും റിമാൻഡിലാണ്.
പഞ്ചായത്ത് പ്രസിഡന്റ് സുരേഷ്കുമാറിനു 17 ലക്ഷം രൂപയുടെ വായ്പയുണ്ട്. ഗോപകുമാറിനു 2 കോടിയിലേറെ രൂപയുടെ പ്രതിമാസ നിക്ഷേപ പദ്ധതി (എംഡിഎസ്) വായ്പ കുടിശികയുണ്ട്. ഒരേ ഭൂമി തന്നെ ഒന്നിലധികം ചിട്ടികൾക്ക് ഈട് വച്ചാണ് 2 കോടിയിലേറെ രൂപ എംഡിഎസ് പിടിച്ചതെന്ന് സഹകരണ വകുപ്പ് അന്വേഷണത്തിൽ കണ്ടെത്തിയിരുന്നു.