ഡിഫറന്റ് ആർട് സെന്ററിലെ കുട്ടികൾക്കായി കൈതപ്രത്തിന്റെ സംഗീത വിരുന്ന്

കഴക്കൂട്ടം∙ ഡിഫറന്റ് ആർട്സ് സെന്ററിലെ ഭിന്നശേഷികുട്ടികൾക്കായി കൈതപ്രം ദാമോദരൻ നമ്പൂതിരിയുടെ നേതൃത്വത്തിൽ സംഗീത പരിപാടി സംഘടിപ്പിച്ചു. കൈതപ്രവും പിന്നണി ഗായകരായ അരുന്ധതി, ഭാവന രാധാകൃഷ്ണൻ, കെ.കെ. നിഷാദ് എന്നിവരും ഒപ്പമുണ്ടായിരുന്നു. ഡിഫറന്റ് ആർട് സെന്റർ, ബ്രിട്ടിഷ് മലയാളി ചാരിറ്റി ഫൗണ്ടേഷൻ, ഷാൻ പ്രോപ്പർട്ടീസ് എന്നിവർ ചേർന്നാണ് സംഗീതപരിപാടി സംഘടിപ്പിച്ചത്.  ചടങ്ങിൽ ഡിഫറന്റ് ആർട് സെന്റർ എക്‌സിക്യുട്ടീവ് ഡയറക്ടർ ഗോപിനാഥ് മുതുകാട്, ഷാജൻ സ്‌കറിയ, പോൾ കറുകപ്പള്ളിൽ തുടങ്ങിയവർ പങ്കെടുത്തു. തുടർന്ന് ക്രിസ്മസ് പുതുവത്സര ആഘോഷങ്ങളുടെ ഭാഗമായി ഭിന്നശേഷി കുട്ടികളുടെ കലാപരിപാടികളും നടന്നു