എയർ ഇന്ത്യയുടെ ആഭ്യന്തര സർവീസുകൾ ശംഖുമുഖത്തെ ടെർമിനലിലേക്ക് മാറ്റി

തിരുവനന്തപുരം ∙ എയർ ഇന്ത്യയുടെ ആഭ്യന്തര സർവീസുകൾ ഫെബ്രുവരി 7 മുതൽ ശംഖുമുഖത്തെ ആഭ്യന്തര ടെർമിനലിലേക്ക് (ടി-1) മാറ്റി. നിലവിൽ ചാക്കയിലെ രാജ്യാന്തര ടെർമിനലിൽ (ടി-2) നിന്നുള്ള ഡൽഹി, മുംബൈ സർവീസുകളാണ് 7 മുതൽ ശംഖുമുഖത്തെ ടി-1ലേക്ക് മാറുന്നത്. ഈ സർവീസുകൾ പുറപ്പെടുന്നതും എത്തിച്ചേരുന്നതും ടി-1ൽ ആയിരിക്കും. സർവീസുകളുടെ സമയത്തിൽ മാറ്റമില്ല. മറ്റു എയർലൈനുകളുടെ സർവീസുകൾ നിലവിൽ ഉള്ളതു പോലെ തുടരും. കൂടുതൽ വിവരങ്ങൾക്ക്: ഫോൺ നമ്പർ: 8714601843, ‪87146 45030