ദേശീയപാതയിൽ വാഹനങ്ങൾ കൂട്ടിയിടിച്ചു; ടാങ്കർ ലോറി കുഴിയിൽ പതിച്ചു
![TANKER-LORRY ദേശീയപാതയിൽ ഇരുപത്തെട്ടാം മൈലിൽ സമീപം ഇന്നലെ നടന്ന അപകടത്തിൽ റോഡിന് താഴെ പതിച്ച ടാങ്കർ ലോറി.](https://img-mm.manoramaonline.com/content/dam/mm/mo/district-news/thiruvananthapuram/images/2024/2/5/TANKER-LORRY.jpg?w=1120&h=583)
Mail This Article
×
കല്ലമ്പലം ∙ ദേശീയപാതയിൽ നാവായിക്കുളം ഇരുപത്തെട്ടാം മൈലിൽ 2 കാറും ടാങ്കർ ലോറിയും കൂട്ടിയിടിച്ചുണ്ടായ അപകടത്തിൽ ടാങ്കർ ലോറി കുഴിയിലേക്ക് പതിച്ചു. നിയന്ത്രണം തെറ്റി വന്ന കാറിൽ ഇടിക്കാതിരിക്കാൻ ടാങ്കർ ലോറി വെട്ടിച്ച് ഇടത് വശത്തേക്ക് മാറ്റിയപ്പോഴാണ് കുഴിയിൽ വീണതെന്ന് ദൃക്സാക്ഷികൾ പറഞ്ഞു.
ഇന്നലെ ഉച്ചയ്ക്ക് 3.30ഓടെ ആയിരുന്നു അപകടം. തിരുവനന്തപുരത്ത് നിന്നും സ്റ്റോക്ക് ഇറക്കിയ ശേഷം കൊല്ലം ഭാഗത്തേക്ക് പോവുകയായിരുന്ന ടാങ്കർ ലോറിയാണ് അപകടത്തിൽപെട്ടത്. എതിർ ദിശയിൽ നിയന്ത്രണം തെറ്റി വന്ന കാർ പിന്നീട് മറ്റൊരു കാറിൽ ഇടിക്കുകയായിരുന്നു. കാറിൽ യാത്ര ചെയ്ത കുട്ടികൾ ഉൾപ്പെടെയുള്ള 3 പേർക്ക് നിസ്സാര പരുക്കേറ്റു. ഇടിയുടെ ആഘാതത്തിൽ കാറുകളുടെ മുൻ വശം പൂർണമായും തകർന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.