വീട്ടമ്മയുടെ സ്വർണവള കവർന്നതായി പരാതി

വെള്ളറട∙ കുടിക്കാൻ വെള്ളം ആവശ്യപ്പെട്ടെത്തിയ സ്ത്രീകൾ വീട്ടമ്മയുടെ സ്വർണവള കവർന്നതായി പരാതി. ഇന്നലെ ഉച്ചയ്ക്ക് കുടപ്പനമൂട്ടിന് സമീപത്തായിരുന്നു സംഭവം. ശാലേം ഭവനിൽ ലളിത(84)യുടെ ഒന്നേകാൽ പവന്റെ വളയാണ് നഷ്ടപ്പെട്ടത്. മുഖം മറച്ച് പർദയണിഞ്ഞെത്തിയ 2 പേരാണ് മോഷ്ടാക്കളെന്ന് ലളിത പറഞ്ഞു. വെള്ളം നൽകിയതിന് നന്ദി പ്രകടപ്പിക്കാനായി കൈപിടിച്ചുകുലുക്കി. തുടർന്നാണ് ബലം പ്രയോഗിച്ച് വള ഊരിയെടുത്തത്. കൈയ്യിൽ മുറിവേൽക്കുകയും ചെയ്തു.ലളിതയുടെ നിലവിളികേട്ട് ആൾക്കാരെത്തും മുൻപ് മോഷ്ടാക്കൾ കടന്നു. വെള്ളറട പൊലീസ് കേസെടുത്ത് അന്വേഷണം തുടങ്ങി.