കണ്ണീരിൽ നിറഞ്ഞ് ഇരട്ടപ്പുഴ; ചുഴിയിൽപ്പെട്ടത് സുഹൃത്തിനെ രക്ഷപ്പെടുത്താനുള്ള ശ്രമത്തിനിടെ..

ചാവക്കാട് ∙ കടലിൽ ചുഴിയിൽപ്പെട്ട് 5 യുവാക്കളെ കാണാനില്ലെന്നറിഞ്ഞതോടെ കടലോരം കണ്ണീരീലാണ്ടു. ഫുട്ബോൾ കളിക്കുന്നതിനിടെ കടലിൽപോയ പന്തെടുക്കാനിറങ്ങിയ സുഹൃത്തിനെ രക്ഷപ്പെടുത്താനുള്ള ശ്രമത്തിനിടെയാണ് 5 പേരും ചുഴിയിൽപ്പെട്ടത്. 2 പേരാണു രക്ഷപ്പെട്ടത്. ഇരട്ടപ്പുഴ സ്വദേശികളും മത്സ്യത്തൊഴിലാളി കുടുംബങ്ങളിൽപ്പെട്ടവരുമായ ഇവർ കടൽതീരത്ത് പതിവായി ക്രിക്കറ്റ് കളിക്കാറുള്ളതാണ്.

ടി.എൻ‍.പ്രതാപൻ എംപി, കെ. വി.അബ്ദുൽഖാദർ എംഎൽഎ, നഗരസഭാധ്യക്ഷൻ എൻ.കെ.അക്ബർ, ബ്ലോക്ക് പഞ്ചായത്ത് പ്രസിഡന്റ് സി.മുസ്താഖ് അലി, കടപ്പുറം പഞ്ചായത്ത് പ്രസിഡന്റ് പി.വി.ഉമ്മർകുഞ്ഞി, സി.എച്ച്.റഷീദ്, എൻ.നാഗേഷ്, എം.കൃഷ്ണദാസ്, സി.എ.ഗോപ പ്രതാപൻ, ചാവക്കാട് സ്റ്റേഷൻ എസ്എച്ച്ഒ അനിൽകുമാർ ടി.മേപ്പിള്ളി എന്നിവർ സ്ഥലത്ത് കുതിച്ചെത്തി.