കെ. രാധാകൃഷ്ണന് റെക്കോർഡ് ഭൂരിപക്ഷം

ചേലക്കര∙ നിയോജക മണ്ഡലത്തിൽ വിജയിച്ച എൽഡിഎഫ് സ്ഥാനാർഥി കെ. രാധാകൃഷ്ണൻ നേടിയത് മണ്ഡലത്തിലെ റെക്കോർഡ് ഭൂരിപക്ഷം. 39400 വോട്ടിന്റെ ഭൂരിപക്ഷത്തിനാണ് ഇത്തവണ രാധാകൃഷ്ണന്റെ വിജയം. ജില്ലയിൽ ഇത്രയും ഭൂരിപക്ഷം ഇത്തവണ വേറാരും  നേടിയിട്ടില്ല.

2011ലെ തിരഞ്ഞെടുപ്പിൽ യുഡിഎഫിലെ കെ.ബി. ശശികുമാറിനെതിരെ കെ. രാധാകൃഷ്ണൻ നേടിയ 24676 വോട്ടിന്റെ ഭൂരിപക്ഷമാണ് ഇത്തവണ മറികടന്നത്. 2019 ലെ ലോക്സഭാ തിരഞ്ഞെടുപ്പിൽ യുഡിഎഫിലെ രമ്യ ഹരിദാസിനു ചേലക്കര നിയോജക മണ്ഡലത്തിൽ 23695 വോട്ടിന്റെ ഭൂരിപക്ഷം നേടാനായിരുന്നു.  പഞ്ചായത്ത് തിരഞ്ഞെടുപ്പിൽ പതിനായിരത്തിലേറെ ഭൂരിപക്ഷം എൽഡിഎഫും നേടിയിരുന്നു.