മറ്റത്തൂർ താളൂപ്പാടത്ത് കാട്ടാന, കോർമലയിൽ പുലി

കൊടകര ∙ മലയോര മേഖലയിൽ ആന, പുലി ശല്യം തുടരുന്നു. മറ്റത്തൂർ താളൂപ്പാടത്ത് രാത്രി വീട്ടുമുറ്റത്ത് നിന്ന ഗൃഹനാഥനെ കാട്ടാന ഓടിച്ചു. ഓടി വീടിനകത്തേക്ക് കയറുന്നതിനിടെ വീണെങ്കിലും കഷ്ടിച്ചു രക്ഷപ്പെട്ടു. ഇന്നലെ രാത്രി 9.30 ന് വീട്ടുകാർ നോക്കി നിൽക്കെയാണ് സംഭവം. വീടിന് കേടുപാടുകൾ സംഭവിച്ചു. താളൂപ്പാടം മലയിൽ ദിവസങ്ങളായി ആനകൂട്ടം ഉണ്ടെന്ന് നാട്ടുകാർ പറഞ്ഞു. കോർമലയിൽ പുലിയിറക്കം തുടരുന്നു. ഇന്നലെ രാത്രിയിൽ വീട്ടിൽ കെട്ടിയിട്ട ആടിനെ പുലി പിടിച്ചു. അഞ്ച് ദിവസം മുൻപ് പട്ടിയെ കൊന്ന് തിന്നിരുന്നു.