തൃശൂർ ജില്ലയിൽ ഇന്ന് (13-08-2022); അറിയാൻ, ഓർക്കാൻ
Mail This Article
റേഷൻധാന്യങ്ങൾ നേരത്തേ കൈപ്പറ്റണം
തൃശൂർ ∙ മാസാവസാനം കിറ്റുമായി ബന്ധപ്പെട്ട് തിരക്കുണ്ടാകാൻ സാധ്യത ഉള്ളതിനാൽ ഓഗസ്റ്റ് മാസത്തെ റേഷൻധാന്യങ്ങൾ എല്ലാവരും നേരത്തേ കൈപ്പറ്റണമെന്ന് ജില്ലാ സപ്ലൈ ഓഫിസർ അറിയിച്ചു.
∙ഭക്ഷ്യധാന്യങ്ങളിൽ കീടനാശിനി അടിച്ചതുമായി ബന്ധപ്പെട്ട് ചൊവ്വൂരിൽ പ്രവർത്തിച്ചിരുന്ന 184–ാം നമ്പർ കടയുടെ അംഗീകാരം സ്ഥിരമായി റദ്ദ് ചെയ്തു
∙പിഎച്ച്എച്ച് കാർഡിലേക്കു മാറുന്നതിനുള്ള അപേക്ഷ പൊതുജനങ്ങൾക്ക് സെപ്റ്റംബർ 13 മുതൽ ഒക്ടോബർ 31 വരെ ഓൺലൈൻ ആയി സമർപ്പിക്കാം.
∙ഏപ്രിൽ 1 മുതൽ ഓഗസ്റ്റ് 12 വരെ താൽക്കാലികമായി 10 കടകളുടെയും സ്ഥിരമായി 3 കടകളുടെയും ലൈസൻസ് റദ്ദ് ചെയ്തു
∙കടകളിൽ നിന്ന് പിഴ ഇനത്തിൽ 3042424 രൂപ ഈടാക്കി.
മൂല്യവർധിത പാലുൽപന്നങ്ങൾ: പരിശീലനം
തൃശൂർ ∙ കേരള കാർഷിക സർവകലാശാലയുടെ കീഴിലുള്ള മണ്ണുത്തി കമ്യൂണിക്കേഷൻ സെന്ററിൽ 19, 20 തീയതികളിൽ മൂല്യവർധിത പാലുൽപന്നങ്ങൾ എന്ന വിഷയത്തിൽ പരിശീലനം സംഘടിപ്പിക്കും. ഫോൺ: 0487-2370773, 9249850885.
അക്വാപോണിക്സ് പരിശീലനം
തൃശൂർ∙അക്വാപോണിക്സ് കൃഷി പരിശീലനത്തിൽ കാർഷിക സർവകലാശാലയിലെ ഹൈടെക് റിസർച് ആൻഡ് ട്രെയ്നിങ് യൂണിറ്റ് നൽകുന്ന 3 ദിവസത്തെ പരിശീലനം 23 മുതൽ 25 വരെ നടക്കും. 0487 2960079, 9037033547