കാനോലി കനാലിൽ ചാടി കോളജ് വിദ്യാർഥി മരിച്ചു

ചെമ്മാപ്പിള്ളി  ∙ തൂക്കുപാലത്തിൽനിന്നു കാനോലിക്കനാലിൽ ചാടി കോളജ് വിദ്യാർഥി മരിച്ചു. നാട്ടിക എസ്എൻ കോളജ് ബിഎസ്​സി സുവോളജി 2–ാം വർഷ വിദ്യാർഥിയും കൊടുങ്ങല്ലൂർ  ലോകമലേശ്വരം ഇളങ്ങുംതാഴത്ത് കണ്ണന്റെ മകനുമായ ഇ.കെ. അമ്പാടിക്കണ്ണനാണ് (19) മരിച്ചത്. രാവിലെ കോളജിലെത്തിയെങ്കിലും ക്ലാസിലിരിക്കാതെ പോകുകയായിരുന്നു. 11.30 ഒ‍ാ‍‍ടെ പാലത്തിന്റെ പടിഞ്ഞാറേഭാഗത്ത് നിന്നു കനാലിലേക്ക് അമ്പാടിക്കണ്ണൻ ചാടുന്നത് വഞ്ചിയിലുണ്ടായിരുന്നയാൾ കണ്ടു. ഇയാൾ വരുമ്പോഴേക്കും വിദ്യാർഥി താഴ്ന്നുപോയി. തൃശൂരിൽനിന്നു സ്കൂബാ ടീമെത്തിയാണ് മൃതദേഹം കണ്ടെത്തിയത്.  സംസ്കാരം ഇന്ന്. മാതാവ്: മഞ്ജു. സഹോദരി അവന്തിക.