അമ്മാടം സെന്റ് ആന്റണീസ് ഹൈസ്കൂളിൽ എല്ലാ കുട്ടികൾക്കും ഒരേ യൂണിഫോം

അമ്മാടം ∙ സെന്റ് ആന്റണീസ് ഹൈസ്കൂളിൽ ആൺകുട്ടികളും  പെൺകുട്ടികളും ഇനി വേഷത്തിലെത്തും  പിടിഎയുടെ നിർദേശപ്രകാരം എല്ലാവർക്കും ഒരേ യൂണിഫോം നടപ്പാക്കി. പുതിയ യൂണിഫോം, പെൺകുട്ടികളിൽ ആത്മവിശ്വാസം വളർത്താനും സമൂഹ നിർമിതിയിൽ മുന്നണി പോരാളികളാകാനും സാധിക്കുമെന്ന വിലയിരുത്തലിലാണ് തീരുമാനം.പാറളം പഞ്ചായത്ത് പ്രസിഡന്റ് സുബിത സുഭാഷ് അധ്യക്ഷത വഹിച്ചു. ജില്ലാ വിദ്യാഭ്യാസ ഉപ ഡയറക്ടർ ടി.വി. മദനമോഹൻ ജെൻഡർ ന്യൂട്രൽ യൂണിഫോം പ്രഖ്യാപനം നടത്തി.  പിടിഎ പ്രസിഡന്റ് ഡെന്നസ് പെല്ലിശ്ശേരി, എംപിടിഎ പ്രസിഡന്റ് റോസ് മേരി അപേഷ്, പ്രധാന അധ്യാപകൻ സ്റ്റെയ്നി ചാക്കോ എന്നിവർ പ്രസംഗിച്ചു.