ADVERTISEMENT

വെട്ടിക്കുഴി∙ കോട്ടാമലയിൽ പുലിയിറങ്ങി കൂട്ടിൽ നിന്നു കോഴികളെ പിടികൂടി. മൽപ്പാൻ ജോസിന്റെ 15 കോഴികളെയാണ് പുലി പിടിച്ചത്. ചൊവ്വാഴ്ച രാത്രി 11 മണിയോടെയായിരുന്നു ആക്രമണം. കോഴികളുടെ കരച്ചിൽ കേട്ട് ലൈറ്റിട്ടതോടെ പുലി അടുത്തുള്ള റബർ തോട്ടത്തിൽ മറഞ്ഞു. ഇന്നലെ വൈകിട്ടു നാലിനും പുലി കൂടിനടുത്ത് എത്തി. വീട്ടുടമ ബഹളം വച്ചതോടെ പുലി തോട്ടത്തിലേക്കു ചാടി മറഞ്ഞു.5 മാസം മുൻപ് ജോസിന്റെ 200 കോഴികളെ പുലി പിടിച്ചിരുന്നു.

കിഫയുടെ നേതൃത്വത്തിൽ വനം വകുപ്പിന് പലവട്ടം പരാതി നൽകിയെങ്കിലും പുലിയെ പിടികൂടാൻ നടപടി സ്വീകരിച്ചില്ലെന്നാണ് പരാതി. വനം വകുപ്പ് സ്ഥാപിച്ച ക്യാമറയിലും പുലിയുടെ ദൃശ്യം പതിഞ്ഞിരുന്നു. എന്നാൽ പുലിയെ പിടികൂടുന്നതിനുള്ള നടപടികൾ വൈകുമെന്നാണ് പരിയാരം റേഞ്ച് ഓഫിസറിൽ മറുപടി ലഭിച്ചതെന്ന് പറയുന്നു. കലക്ടർ, ചാലക്കുടി ഡിഎഫ്ഒ തുടങ്ങിയവർക്ക് കിഫ കർഷക കൂട്ടായ്മയുടെ നേതൃത്വത്തിൽ പരാതി നൽകി.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com