അന്തിക്കാട്∙ അരിക്കൊമ്പന്റെ ആയുരാരോഗ്യ സൗഖ്യത്തിനായി ക്ഷേത്രത്തിൽ 2 ദിവസത്തെ പൂജ. മലേഷ്യയിലെ പ്രവാസി മലയാളിയും കോട്ടയം സ്വദേശിയുമായ കൊച്ചുറാണി വഴിപാടായി വള്ളൂർ ആലുംതാഴം മഹാവാരാഹി ദേവീക്ഷേത്രത്തിലാണ് പൂജ നടത്തുന്നത്. ഇന്നലെ ഒരു ദിവസത്തെ മുഴുവൻപൂജ നടത്തി. അടുത്തത് 23 നു വൈകിട്ട് 6.30 മുതൽ നടത്തുന്ന പഞ്ചമി പൂജയാണ്.
വാരാഹിദേവിയുടെ ഇഷ്ട വഴിപാടുകളായ മുഴുവൻ ദിവസപൂജ, പഞ്ചമി പൂജ, കലപ്പ സമർപ്പണം എന്നിവയാണ് അരിക്കൊമ്പനുവേണ്ടി ഇന്നലെ നടത്തിയത്. മേൽശാന്തി വിഷ്ണു കൂട്ടാലെ കാർമികത്വം വഹിച്ചു. വാരാഹിദേവിയുടെ ഭക്തയായ കൊച്ചുറാണി സമൂഹമാധ്യ മങ്ങളിലൂടെ കേട്ടറിഞ്ഞ് ഈ ക്ഷേത്രത്തിൽ ഇടയ്ക്കിടെ വരാറുണ്ട്. പൂജയിൽ പങ്കെടുക്കാൻ കുറേ ഭക്തരെത്തി.
English Summary: Two day pooja at the temple for the healing of the Arikkomban
