പൊതുകുളത്തിലേക്ക് ഇറങ്ങാൻ തടസ്സമായി മൺകൂനകൾ

കാട്ടകാമ്പാൽ∙ ചിറക്കുളത്തിലേക്ക് ഇറങ്ങാൻ തടസ്സമായി മൺകൂനകൾ. ചിറയ്ക്കൽ–കാട്ടകാമ്പാൽ റോഡു വികസനത്തിനുള്ള മണ്ണാണു കൂട്ടിയിട്ടിരിക്കുന്നത്. പഞ്ചായത്ത് ഫണ്ട് ഉപയോഗിച്ച് കുളം നവീകരിക്കുകയും കൽപ്പടവുകൾക്ക് സമീപം കൈവരികൾ സ്ഥാപിക്കുകയും ചെയ്തിരുന്നു. കുളത്തിലേക്ക് ഇറങ്ങുന്ന പടവുകൾക്കു സമീപത്താണ് ഇപ്പോൾ മണ്ണ് കൂട്ടിയിട്ടിരിക്കുന്നത്.  കുളത്തിൽ പായൽ നിറഞ്ഞിരിക്കുകയാണ്.