വൈദ്യുതിത്തൂണിൽ ലോറിയിടിച്ചു; ഡീസൽ ചോർന്ന് തീപിടിത്തം

തൃശൂർ ∙ വെളിയന്നൂരിൽ റോഡ് ഡിവൈഡറിലെ വൈദ്യുതിത്തൂണിൽ ലോറിയിടിച്ച് ഡീസൽ ചോർന്ന് തീപിടിച്ചത് പരിഭ്രാന്തി പരത്തി. അഗ്നിരക്ഷാ സേനയെത്തി തീയണച്ചു. ഇന്നലെ രാത്രി എട്ടേമുക്കാലോടെയാണ് അപകടം. തമിഴ്നാട് ലോറിയാണ് അപകടത്തിൽപ്പെട്ടത്. തീ പടർന്നതിനെത്തുടർന്ന് കെഎസ്ഇബി അധികൃതരെത്തി ലൈൻ ഓഫ് ചെയ്തു. അസി.സ്റ്റേഷൻ ഓഫിസർ ടി.എസ്.ഷാനവാസിന്റെ നേതൃത്വത്തിലുള്ള സംഘമാണ് തീയണച്ചത്.