സ്വകാര്യ ബസിന് നേരെ കല്ലേറ്

ഇരിങ്ങാലക്കുട∙  ക്രൈസ്റ്റ് കോളജ് റോഡിൽ സ്വകാര്യ  ബസിനു നേരെ കല്ലേറ്. കല്ലൂരിൽ നിന്നും  ഇരിങ്ങാലക്കുടയിലേക്ക് യാത്രക്കാരുമായി പോയിരുന്നു ഷാലോം ബസിന് നേരെയാണ് ഇന്നലെ ആക്രമണമുണ്ടായത്.  

കോളജ് റോഡിലേക്ക് എത്തിച്ചേരുന്ന  ഇടവഴിയിൽ  ബൈക്കിൽ കാത്തു നിന്ന യുവാക്കളിൽ ഒരാൾ ബസ് കൈ കാണിച്ചു നിർത്തി ബസിന്റെ മുൻവശത്തെ ചില്ലിനു നേരെ കല്ലെറിഞ്ഞയുടൻ  ബൈക്കിൽ കയറി രക്ഷപ്പെടുകയായിരുന്നു എന്ന് ഡ്രൈവർ പറഞ്ഞു.

ചില്ല് പൂർണമായും തകർന്നുകുട്ടികൾ ഉൾപ്പെടെയുള്ള യാത്രക്കാർ മുൻസീറ്റിൽ  ഉണ്ടായിരുന്നെങ്കിലും ആർക്കും പരുക്കില്ല. രണ്ടു  യുവാക്കളും  ഹെൽമറ്റ് ധരിച്ചിരുന്നതിനാൽ തിരിച്ചറിയാൻ കഴിഞ്ഞില്ലെന്നു ബസ് ജീവനക്കാർ പറഞ്ഞു. സംഭവത്തിൽ ഇരിങ്ങാലക്കുട പൊലീസിൽ പരാതി നൽകി.