പുന്നത്തൂർ ആനക്കോട്ടയിൽ പരിശോധനയ്ക്ക് ഹൈക്കോടതി നിർദേശം
Mail This Article
×
കൊച്ചി ∙ ഗുരുവായൂർ ദേവസ്വത്തിനു കീഴിലെ പുന്നത്തൂർ ആനക്കോട്ടയിൽ ആനകളുടെ പരിപാലനം കൃത്യമായി നടക്കുന്നുണ്ടെന്ന് ഉറപ്പാക്കണം, ആനകളെ പാർപ്പിച്ചിരിക്കുന്നയിടങ്ങൾ വൃത്തിയായി സൂക്ഷിക്കാൻ ഉത്തരവിടണം എന്നതുൾപ്പെടെയുള്ള ആവശ്യങ്ങൾ ഉന്നയിച്ചു നൽകിയ ഹർജിയിൽ പരിശോധനയ്ക്കായി പ്രത്യേക സംഘത്തെ നിയോഗിക്കാൻ ഹൈക്കോടതി നിർദേശം.
പ്രത്യേക സംഘത്തിൽ ഉൾപ്പെടുത്തേണ്ട പേരുകൾ നിർദേശിക്കാൻ കേന്ദ്രസർക്കാർ, അനിമൽ വെൽഫെയർ ബോർഡ്, സംസ്ഥാന വനംവകുപ്പ് എന്നിവർക്ക് ജസ്റ്റിസ് അനിൽ കെ.നരേന്ദ്രൻ, ജി.ഗിരീഷ് എന്നിവർ നിർദേശം നൽകി. ഇക്കാര്യത്തിൽ കേന്ദ്രസർക്കാർ ഉൾപ്പെടെ സമയം തേടിയതിനെ തുടർന്ന് ഹർജി 14നു പരിഗണിക്കാൻ മാറ്റി. ഏഷ്യൻ എലിഫന്റ്സ് സൊസൈറ്റി പ്രസിഡന്റ് സംഗീത അയ്യരാണ് ഹർജി നൽകിയത്.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
