കുടിശിക അടയ്ക്കാതെ സബ് ട്രഷറി, നോട്ടിസ്

മാള ∙ കെ.കെ.റോഡിൽ പ്രവർത്തിച്ചിരുന്ന അന്നമനട സബ് ട്രഷറി കെട്ടിടത്തിന്റെ നികുതി കുടിശിക ഇതുവരെ അടച്ചില്ലെന്നും ഇതിൽ നടപടി സ്വീകരിക്കുമെന്നും ചൂണ്ടിക്കാട്ടി ഗ്രാമ പഞ്ചായത്ത്, ജില്ലാ ട്രഷറി ഓഫിസർക്ക് കത്തയച്ചു. 2020 – 21 കാലയളവു മുതൽ നികുതി അടച്ചിട്ടില്ല. ഇതിനിടയിൽ ട്രഷറിയുടെ പ്രവർത്തനം അന്നമനടയിലേക്കു മാറ്റിയിരുന്നു. പിഴപ്പലിശ നോട്ടിസ് ചെലവ് ഉൾപ്പെടെ 99,201 രൂപയാണ് അടയ്ക്കാനുള്ളത്. പ്രളയത്തിൽ മുങ്ങിയ ട്രഷറി കെട്ടിടത്തിന്റെ സുരക്ഷയെപ്പറ്റിയുള്ള ആശങ്കയും വ്യവഹാരവുമെല്ലാം കൊണ്ടാണ് ട്രഷറി കെട്ടിടം താൽക്കാലികമായി അന്നമനടയിലേക്ക് മാറ്റിയത്.