കുത്താമ്പുള്ളി-കോയമ്പത്തൂർ കെഎസ്ആർടിസി സർവീസ് ഇന്നു തുടങ്ങും

തിരുവില്വാമല ∙ കുത്താമ്പുള്ളി-കോയമ്പത്തൂർ കെഎസ്ആർടിസി ബസ് ഇന്നു സർവീസ് തുടങ്ങുമെന്നു മന്ത്രി കെ.രാധാകൃഷ്ണൻ അറിയിച്ചു. രാവിലെ 5.15നു കുത്താമ്പുള്ളിയിൽ നിന്നു തുടങ്ങി നടുവത്തപ്പാറ, കോട്ടായി, പാലക്കാട്, കഞ്ചിക്കോട്, വാളയാർ വഴി 8നു കോയമ്പത്തൂരെത്തുന്ന ബസ് രാത്രി 7.15നു കോയമ്പത്തൂരിൽ നിന്നു പുറപ്പെട്ട് 8.50നു പാലക്കാടെത്തും. ഇവിടെ നിന്ന് 9.10നു പുറപ്പെടുന്ന ബസ് രാത്രി 10.15നു തിരിച്ചു കുത്താമ്പുള്ളിയിലെത്തും.ഇന്ന് ഉച്ചയ്ക്കു കോട്ടായിയിൽ നിന്നാണു സർവീസ് ആരംഭിക്കുന്നത്. നാളെ രാവിലെ മുതൽ കുത്താമ്പുള്ളിയിൽ നിന്നു ബസ് പുറപ്പെടും