പൂക്കോട്ട്കടവ് - കുന്നേരി റോഡ് ഇടിഞ്ഞു പുഴയിൽ വീണു; നടക്കാൻ പോലും വഴിയില്ല

തൊണ്ടർനാട് ∙ പാലേരി-കരിമ്പിൽ പ്രദേശങ്ങളെ ബന്ധിപ്പിക്കുന്ന പൂക്കോട്ട്കടവ് - കുന്നേരി ടാറിങ് റോഡ് ആണ് വൻ തോതിൽ ഇടിഞ്ഞു താഴ്ന്നു. മഴയെ തുടർന്നു സമീപത്തെ പാലേരി പുഴയിൽ ഉണ്ടായ ശക്തമായ കുത്തൊഴുക്കാണ് റോഡ് തകരാൻ ഇടയാക്കിയത്. നൂറു മീറ്ററിൽ അധികം ഭാഗം തകർന്നതോടെ ഈ വഴിയുള്ള ഗതാഗതം പൂർണമായി നിലച്ചു. അതോടെ പൂക്കോട്ട്കടവ്, കൊല്ലിരിക്കൽ പ്രദേശങ്ങൾ ഒറ്റപ്പെട്ട നിലയിലായി. റോഡിന്റെ ഒരു ഭാഗം ഇടിഞ്ഞു പുഴയിൽ പതിച്ചതോടെ പുഴ ഗതിമാറി ഒഴുകാൻ തുടങ്ങിയതു പ്രദേശവാസികളെ ആശങ്കയിലാക്കിയിട്ടുണ്ട്.