നക്ഷത്രവിളക്കുകൾ സാക്ഷി; ക്രിസ്മസ് വിപണി ഉണർന്നു

മാനന്തവാടി ∙ക്രിസ്മസിനെ വരവേൽക്കാൻ വിപണികൾ ഉണർന്നു. വിവിധ വലുപ്പത്തിലും രൂപത്തിലുമുള്ള നക്ഷത്രങ്ങൾക്ക് ആവശ്യക്കാർ ഏറെയാണ്.ക്രിസ്മസ് ട്രീ, പുൽക്കൂട്, അലങ്കാര വസ്തുക്കൾ എന്നിവയ്ക്കും പ്രിയമേറെയാണ്. നവമാധ്യമങ്ങൾ സജീവമായതോടെ ക്രിസ്മസ് പുതുവത്സര ആശംസാ കാർഡുകൾക്ക് പഴയ ഡിമാൻ‍ഡില്ല.എങ്കിലും പുതുമയാർന്ന കാർഡുകൾ വിപണിയിൽ എത്തിയിട്ടുണ്ട്. നാട്ടിൻപുറങ്ങളിലും ദേവാലയങ്ങളിലും വലിയ നക്ഷത്രങ്ങൾ തെളിഞ്ഞു കഴിഞ്ഞു.മിന്നിത്തിളങ്ങുന്ന നക്ഷത്രങ്ങളും വർണ വിളക്കുകളും രാത്രികളിൽ നഗരങ്ങളെ മനോഹരമാക്കുകയാണ്.