പെട്രോൾ: അതിർത്തി കടന്നാൽ ലീറ്ററിനു 7 രൂപ ലാഭിക്കാം

കൽപറ്റ ∙ ഇന്നുമുതൽ കേരളത്തിൽ പെട്രോളിനും ഡീസലിനും രണ്ടുരൂപ വർധിക്കുമ്പോൾ വയനാട് അതിർത്തിക്കപ്പുറം കർണാടകയിൽ പെട്രോൾ വിലയിൽ 7 രൂപ വരെ വ്യത്യാസം. ഡീസലിനു 10 രൂപ വരെയാണു കുറവ്. തമിഴ്നാട്ടിലും ഇന്ധനവിലയിൽ 2 മുതൽ 4 രൂപ വരെ വ്യത്യാസമുണ്ട്. ‍

കർണാടക അതിർത്തി പട്ടണങ്ങളിൽ ഗുണ്ടൽപേട്ട് (പെട്രോൾ 102, ഡീസൽ 87.95), കുട്ട (പെട്രോൾ 102.89, ഡീസൽ 89.13‍) എന്നിങ്ങനെയാണ് ഇന്ധനവില. തമിഴ്നാട് എരുമാട് (പെട്രോൾ 104.98, ഡീസൽ 96.31) എന്നിങ്ങനെയാണു വില.ജില്ലയിൽ ബത്തേരിയിൽ ഇന്നലെ പെട്രോളിന് 107.36 ഉം ഡീസലിന് 96.07 ഉം ആയിരുന്നു വില. കാട്ടിക്കുളത്ത് ഡീസലിന് 107.50 ഉം ഡീസലിന് 96.23 ഉം ആയിരുന്നു വില. ‌