ബത്തേരിയിലെ വവ്വാലുകളിൽ നിപ്പ വൈറസ് സാന്നിധ്യം: ആശങ്കപ്പെടേണ്ട സാഹചര്യമില്ലെന്നു കലക്ടർ

കൽപറ്റ ∙ ബത്തേരിയിലെ വവ്വാലുകളിൽ നിപ്പ വൈറസിന്റെ സാന്നിധ്യമുണ്ടെന്ന് കണ്ടെത്തിയതിൽ ജനങ്ങൾ പരിഭ്രാന്തരാകേണ്ട സാഹചര്യങ്ങൾ ഇല്ലെന്ന് അധികൃതർ അറിയിച്ചു. നിപ്പ പോലുള്ള പകർച്ചവ്യാധികൾക്കെതിരെ  മുൻകരുതലെടുക്കാനും പകരുന്ന സാഹചര്യങ്ങൾ പൂർണമായി ഒഴിവാക്കാനും ഇത്തരം പരിശോധനാ ഫലങ്ങൾ സഹായകമാണെന്ന് കലക്ടർ രേണുരാജ് പറഞ്ഞു. 

വവ്വാലുകളെ ആട്ടിയകറ്റുന്നതും ആക്രമിക്കുന്നതും ദോഷമാണുണ്ടാക്കുക. ഭയചകിതരായ വവ്വാലുകളിൽനിന്നു കൂടുതൽ സ്രവങ്ങൾ പുറത്തുവരാനും അതിലൂടെ രോഗാണുക്കൾ പടരാനും കാരണമായേക്കും.