കടുവ ആക്രമിച്ച പശു ചത്തു

ബത്തേരി ∙ കടുവയുടെ ആക്രമണത്തിൽ പരുക്കേറ്റതിനെ തുടർന്ന് ചികിത്സ നൽകിവന്നിരുന്ന പശു ചത്തു. ചെതലയം ആറാം മൈൽ പടിപ്പുര നാരായണന്റെ പശുവാണ് ചത്തത്. കഴിഞ്ഞ 23നാണ് വീടിനടുത്തു വച്ച് 9 മാസം ചെനയുള്ള പശുവിനെ കടുവ ആക്രമിച്ചു പരുക്കേൽപ്പിച്ചത്. കഴുത്തിൽ ആഴത്തിൽ മുറിവേറ്റിരുന്നു. ഇന്നലെ രാവിലെ ഒൻപതരയോടെയാണു പശു ചത്തത്. വനപാലകരെത്തി തുടർ നടപടികൾ സ്വീകരിച്ചു.