ജീവനക്കാരുടെ സമരം തുടരുന്നു; ബാണാസുര ടൂറിസം സ്തംഭിച്ചു

പടിഞ്ഞാറത്തറ ∙ ബാണാസുര ഡാം ടൂറിസം കേന്ദ്രം സന്ദർശിക്കാനാകാതെ ഇന്നും നൂറുക്കണക്കിനു സഞ്ചാരികൾ മടങ്ങി. തൊഴിലാളികളുടെ അനിശ്ചിത കാല സമരം അറിയാതെ എത്തിയ സഞ്ചാരികളാണ് നിരാശയോടെ മടങ്ങിയത്. ദൂരെ ദിക്കുകളിൽ നിന്ന് ഏറെ പ്രതീക്ഷയോടെ എത്തിയ ഒട്ടേറെ വിനോദ സഞ്ചാരികൾ ഇന്നും ഡാം സന്ദർശിക്കാൻ എത്തിയിരുന്നു. വിവിധ ആവശ്യങ്ങൾ ഉന്നയിച്ച് ജില്ലാ ടൂറിസം എംപ്ലോയീസ് യൂണിയന്റെ നേതൃത്വത്തിൽ നടക്കുന്ന സമരത്തെ തുടർന്ന് ഡാം ടൂറിസം കേന്ദ്രം പ്രവർത്തനം രണ്ടാം ദിവസവും പൂർണമായും സ്തംഭിച്ച അവസ്ഥയിലാണ്.