കഞ്ചാവും എംഡിഎംഎയുമായി നാലുപേർ അറസ്റ്റിൽ
Mail This Article
ബത്തേരി∙ കഞ്ചാവും എംഡിഎംഎയുമായി നാലുപേർ അറസ്റ്റിൽ. കണ്ണൂര് വെള്ളൂര് പുതിയപുരയില് വീട്ടില് സുതിന്രാജ് (27), മേപ്പാടി സ്വദേശിയായ നിലവിൽ ചെന്നൈയിൽ താമസിക്കുന്ന കോലത്തൂര് എബിന് കെ.മാത്യു (33), കോഴിക്കോട് താമരശ്ശേരി വലിയ പറമ്പില് വീട്ടില് അലന് പീറ്റര് (22), തൃശൂര് ചാവക്കാട് രായംമരക്കാര് സൈനുല് സമാന് (20) എന്നിവരെയാണ് ബത്തേരി പൊലീസ് അറസ്റ്റു ചെയ്തത്.
മുത്തങ്ങ തകരപ്പാടി പൊലീസ് ചെക്പോസ്റ്റിന് സമീപം വച്ചാണ് ഇവർ പിടിയിലായത്. സുതിന്രാജില് നിന്ന് 12 ഗ്രാം കഞ്ചാവും എബിനില് നിന്ന് 0.27 ഗ്രാം എംഡിഎംഎയും അലന് പീറ്ററില് നിന്ന് 144.50 ഗ്രാം കഞ്ചാവും സൈനുല് സമാനില് നിന്ന് 13.73 ഗ്രാം കഞ്ചാവും കണ്ടെടുത്തു. ബത്തേരി എസ്ഐമാരായ സി.എം.സാബു, എ.സന്തോഷ് കുമാര് എന്നിവരുടെ നേതൃത്വത്തിലാണ് പ്രതികളെ പിടികൂടിയത്.