ന്യൂഡൽഹി ∙ ഗവ. ഐടിഐ സീനിയർ ഇൻസ്ട്രക്ടർമാരായ എസ്.ഷിയാദ് (മലമ്പുഴ), അജിത് എ.നായർ (കളമശേരി) എന്നിവർക്കു ദേശീയ അധ്യാപക അവാർഡ്. ഇതോടെ ഇക്കൊല്ലം പുരസ്കാരം ലഭിച്ച മലയാളികൾ അഞ്ചായി.
Read Also : അമ്മയ്ക്കു പിന്നാലെ ദേശീയ അധ്യാപക പുരസ്കാരം സ്വന്തമാക്കി മകനും
കെ.യു.മുജീബ് റഹ്മാൻ (പാലക്കാട് കഞ്ചിക്കോട് കേന്ദ്രീയ വിദ്യാലയം), ജോസ് ഡി.സുജീവ് (തിരുവനന്തപുരം പട്ടം ഗവ. മോഡൽ ജിഎച്ച്എസ്എസ്), ഡോ. ആർ.ബി.സുനോജ് (ഐഐടി, ബോംബെ) എന്നിവരുടെ പുരസ്കാര നേട്ടം നേരത്തേ റിപ്പോർട്ട് ചെയ്തിരുന്നു.
സാങ്കേതിക പരിശീലനം ലളിതമായി അവതരിപ്പിക്കാനുള്ള ശ്രമ‌ങ്ങളാണ് ഷിയാദിനെ ശ്രദ്ധേയനാക്കിയത്. കോവിഡ് കാലത്ത് അജിത് നിർമിച്ച അൾട്രാവയലറ്റ് സാനിറ്റൈസർ ശ്രദ്ധിക്കപ്പെട്ടിരുന്നു.ദേശീയ അധ്യാപക ദിനമായ ചൊവ്വാഴ്ച ഡൽഹിയിൽ രാഷ്ട്രപതി ദ്രൗപദി മുർമു പുരസ്കാരങ്ങൾ സമ്മാനിക്കും.
Content Summary : Shiad and Ajith Honored with National Teacher Award
