എസ്എസ്എല്സി ഫലമറിയാന് കൈറ്റിന്റെ പോര്ട്ടലും 'സഫലം 2019' മൊബൈല് ആപ്പും
Mail This Article
തിങ്കളാഴ്ച രണ്ടുമണി മുതല് www.results.kite.kerala.gov.in വെബ്സൈറ്റിലൂടെ എസ്എസ്എല്സി ഫലമറിയാം. ഇതിനുള്ള സംവിധാനങ്ങൾ കേരളാ ഇന്ഫ്രാസ്ട്രക്ചര് ആൻഡ് ടെക്നോളജി ഫോര് എജ്യൂക്കേഷന് (കൈറ്റ്) ഒരുക്കിയിട്ടുണ്ട്. ഇതിനുപുറമെ 'സഫലം 2019' എന്ന മൊബൈല് ആപ് വഴിയും ഫലമറിയാം. വ്യക്തിഗത റിസള്ട്ടിനു പുറമെ സ്കൂള് - വിദ്യാഭ്യാസ ജില്ല - റവന്യൂജില്ലാ തലങ്ങളിലുള്ള റിസള്ട്ട് അവലോകനം, വിഷയാധിഷ്ഠിത അവലോകനങ്ങള്, വിവിധ റിപ്പോര്ട്ടുകള്, ഗ്രാഫിക്സുകള് തുടങ്ങിയവ അറിയാം. പൂര്ണ്ണമായ വിശകലനം പോര്ട്ടലിലും മൊബൈല് ആപ്പിലും 'റിസള്ട്ട് അനാലിസിസ്' എന്ന ലിങ്ക് വഴി ലോഗിന് ചെയ്യാതെ തന്നെ 2 മണി മുതല് ലഭ്യമാകും.
ഗൂഗിള് പ്ലേ സ്റ്റോറില് നിന്നും "Saphalam 2019" എന്നു നല്കി ആപ് ഡൗണ്ലോഡ് ചെയ്യാം. ഹയര് സെക്കൻഡറി-വൊക്കേഷണല് ഹയര് സെക്കൻഡറി ഫലങ്ങളും പ്രഖ്യാപിക്കുന്ന മുറയ്ക്ക് ഇതേ രീതിയിൽ ലഭ്യമാണ്.
പ്രൈമറിതലം മുതലുളള കൈറ്റ് ബ്രോഡ്ബാന്ഡ് ഇന്റര്നെറ്റ് സംവിധാനം ലഭ്യമാക്കിയിട്ടുള്ള 11769 സ്കൂളുകളിലും റിസള്ട്ടറിയാനുള്ള സംവിധാനം ഒരുക്കാന് നിര്ദ്ദേശിച്ചിട്ടുണ്ടെന്ന് കൈറ്റ് വൈസ് ചെയര്മാന് കെ. അന്വര് സാദത്ത് അറിയിച്ചു.