എ ഗ്രേഡ് കിട്ടിയ ഉടൻ സിദ്ധേന്ദ്ര തല മൊട്ടയടിച്ചു; കാരണം ചേച്ചിമാർ

കുച്ചിപ്പുഡിയിലും തുള്ളലിലും എ ഗ്രേഡ് നേടിയ മലപ്പുറം തച്ചിങ്ങനാടം ഹയർ സെക്കൻഡറി സ്കൂളിലെ സിദ്ധേന്ദ്ര മത്സരങ്ങൾ കഴിഞ്ഞതും നേരെ  കയറിയത് ആദ്യം കണ്ട ബാർബർ ഷോപ്പിലേക്ക് – തല മൊട്ടയടിക്കാൻ! ചേച്ചിമാരായ സൃഷ്ടി ദേശാക്ഷിയോടും വരലാഹലുവിനോടും അപൂർവമായൊരു പന്തയമാണ് സിദ്ധേന്ദ്ര വച്ചത് – രണ്ടിനങ്ങളിലും എ ഗ്രേഡ് കിട്ടിയാൽ തല മൊട്ടയടിക്കും. അത്രേം ആത്മവിശ്വാസം വേണോ എന്ന ചേച്ചിമാരുടെ ചോദ്യം മറികടന്ന്  സംഗതി നേടി. വാക്കും പാലിച്ചു. അതുകഴിഞ്ഞാണ് ചേച്ചിമാരുടെ അടുത്തേക്കു പോയത്. തലയിൽ വാത്സല്യത്തോടെ തടവി ചേച്ചിമാർ പറഞ്ഞു – കൺഗ്രാജുലേഷൻസ് പ്രിയ മൊട്ടേ!