പഠനോത്സവം ഇക്കുറി ഒൻപതാം ക്ലാസ് വരെ
Mail This Article
×
സംസ്ഥാനത്തെ എല്ലാ പൊതുവിദ്യാലയങ്ങളിലും സമഗ്രശിക്ഷയുടെ നേതൃത്വത്തിൽ ഈ മാസം പഠനോത്സവം സംഘടിപ്പിക്കും. കഴിഞ്ഞ വർഷം പ്രൈമറി തലത്തിൽ മാത്രമായിരുന്നെങ്കിൽ ഇക്കുറി പ്രീപ്രൈമറി മുതൽ 9–ാം ക്ലാസ് വരെയുണ്ട്.
കുട്ടികൾ തന്നെ സംഘാടകരും അവതാരകരുമായി മാറുന്നു. വിദ്യാർഥികളുടെ സർഗശേഷിയും നേതൃപാടവവും പരിപോഷിപ്പിക്കുകയാണു ലക്ഷ്യം. വിവിധ ഭാഷകളിൽ കുട്ടികൾക്കുള്ള കഴിവുകൾ തത്സമയ പ്രദർശനങ്ങളിലൂടെ ബോധ്യപ്പെടുത്തും. ഗണിതം, ശാസ്ത്രം, സാമൂഹികശാസ്ത്രം തുടങ്ങിയ വിഷയങ്ങളിലെ പഠനപ്രവർത്തനങ്ങളും നവീന രീതിയിൽ അവതരിപ്പിക്കും.
ഓരോ പൊതുവിദ്യാലയവും ജനകീയമായി വിലയിരുത്തുന്നതിനുള്ള അക്കാദമിക് വേദിയായി പഠനോത്സവം മാറും. ഇതിന്റെ അക്കാദമിക് ശിൽപശാല പൊതു വിദ്യാഭ്യാസ ഡയറക്ടർ കെ.ജീവൻബാബു ഉദ്ഘാടനം ചെയ്തു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
