കൊറോണക്കാലത്തെ പാസ് അല്ല അവർ; ആശങ്ക വേണ്ടെന്ന് മന്ത്രി

കൊറോണക്കാലത്തു പാസായി വന്നയാൾ എന്ന വിശേഷണത്തോടെ കേരളത്തിലെ ഒരു വിദ്യാർഥിയെയും ഭാവി അടയാളപ്പെടുത്തില്ലെന്ന് മന്ത്രി സി. രവീന്ദ്രനാഥ്. കേരളത്തിൽ പഠിക്കുന്ന കുട്ടികൾക്കു തുടർ പഠനത്തിൽ പാഠഭാഗങ്ങൾ മനസ്സിലാകാത്ത സാഹചര്യം ഉണ്ടാവുകയില്ല, ആ തരത്തിലാണ് അധ്യയനവും പരീക്ഷയും ക്രമീകരിച്ചിരിക്കുന്നത്. രക്ഷിതാക്കൾക്ക് ആശങ്ക വേണ്ടെന്നും മന്ത്രി പറഞ്ഞു.

പരീക്ഷയെ സംബന്ധിച്ച് വിദ്യാർഥികൾക്കിടയിൽ ആശയക്കുഴപ്പമുണ്ടെന്നു മനസ്സിലാക്കുന്നു. ഫോക്കസ് ഏരിയ നിശ്ചയിച്ചിട്ടുണ്ട്. ആ ഭാഗങ്ങൾ മനസ്സിലാക്കിയാൽ ഏതു ചോദ്യത്തിനും ഉത്തരം നൽകാനാവും. ഇരട്ടിയോളം ചോദ്യങ്ങളിൽ നിന്നു കുട്ടികൾ തിരഞ്ഞെടുത്ത് ഉത്തരം എഴുതിയാൽ മതി. അധ്യാപക ക്ഷാമം ഉടൻ പരിഹരിക്കുമെന്നും മന്ത്രി പറഞ്ഞു.വിദ്യാർഥികൾക്കുള്ള ഫോക്കസ് ഏരിയ ക്ലാസ്സുകൾ ഡിജിറ്റലായി സംപ്രേഷണം ചെയ്യും.

English Summary: Minister Ravindranath About School Students In Kerala