ഇന്ത്യൻ ഇൻസ്റ്റിറ്റ്യൂട്ട് ഓഫ് റിമോട്ട് സെൻസിങ്ങിൽ എംടെക്, എംഎസ്സി, പിജി ഡിപ്ലോമ
Mail This Article
ഐഎസ്ആർഒയുടെ ഭാഗമായ ദെഹ്റാദൂണിലെ ഇന്ത്യൻ ഇൻസ്റ്റിറ്റ്യൂട്ട് ഓഫ് റിമോട്ട് സെൻസിങ്ങിലെ (ഐഐആർഎസ്) വിവിധ പ്രോഗ്രാമുകളിലേക്കു മാർച്ച് 31 വരെ ഓൺലൈനായി അപേക്ഷിക്കാം. https://admissions.iirs.gov.in.
ദേശീയതലത്തിൽത്തന്നെ പഠനസൗകര്യം കുറഞ്ഞ ജ്യോഗ്രഫിക് ഇൻഫർമേഷൻ സിസ്റ്റവും (ജിഐഎസ്) റിമോട്ട് സെൻസിങ്ങും പഠിക്കാം. നല്ല ജോലിസാധ്യതയുണ്ട്.
മുഖ്യപ്രോഗ്രാമുകൾ
1) എംടെക് ഇൻ റിമോട്ട് സെൻസിങ് & ജിഐഎസ്: 2 വർഷം. അഗ്രികൾചർ & സോയിൽസ്, സാറ്റലൈറ്റ് ഇമേജ് അനാലിസിസ് & ഫൊട്ടോഗ്രമെട്രി, വാട്ടർ റിസോഴ്സസ് തുടങ്ങി 9 ശാഖകളിൽ സ്പെഷലൈസേഷൻ.
ഓരോ ശാഖയിലെയും പ്രവേശനയോഗ്യതകൾ (എംഎസ്സി, ബിടെക് മുതലായവ) വെബ്സൈറ്റിൽ ഇനംതിരിച്ചു കൊടുത്തിട്ടുണ്ട്.
55 % മാർക്ക് വേണം. ഫൈനൽ സെമസ്റ്റർ വിദ്യാർഥികളുടെ അപേക്ഷയും പരിഗണിക്കും. ആകെ 60 സീറ്റ്.
2) പിജി ഡിപ്ലോമ ഇൻ റിമോട്ട് സെൻസിങ് & ജിഐഎസ് – 10 സ്പെഷ്യലൈസേഷനുകൾ.
3) എംഎസ്സി ഇൻ ജിയോ–ഇൻഫർമേഷൻ സയൻസ് & എർത്ത് ഒബ്സർവേഷൻ.
സർട്ടിഫിക്കറ്റ് / ഹ്രസ്വകാല കോഴ്സുകളുമുണ്ട്. കൂടുതൽ വിവരങ്ങൾക്ക് www.iirs.gov.in
English Summary: Indian Institute of Remote Sensing Admission