ADVERTISEMENT

രാജ്യത്തെ മുൻനിര സ്ഥാപനങ്ങളിൽ പിഎച്ച്ഡി ഗവേഷണത്തിന് ഇപ്പോൾ അപേക്ഷിക്കാം. സൂചനകൾ ചുവടെ.

1) ഐസർ കൊൽക്കത്ത – apply.iiserkol.ac.in. എ) പിഎച്ച്ഡി: ബയളോജിക്കൽ / കെമിക്കൽ / കംപ്യൂട്ടേഷനൽ ഡേറ്റ / എർത്ത് / ഫിസിക്കൽ സയൻസസ്, മാത്തമാറ്റിക്സ്, സ്റ്റാറ്റിസ്റ്റിക്സ്. ഐസർ അപേക്ഷയോടൊപ്പം പ്രൈം മിനിസ്റ്റേഴ്സ് റിസർച് ഫെലോഷിപ്പിനും (https://pmrf.in) അപേക്ഷിക്കാൻ നിർദേശമുണ്ട്. ഓൺലൈൻ അപേക്ഷ ഏപ്രിൽ 15 വരെ. ഇന്റർവ്യൂ മേയ് 20– 31. സിലക്‌ഷൻ ലിസ്റ്റ് ജൂൺ 21ന്. ഹ്യൂമാനിറ്റീസ് & സോഷ്യൽ സയൻസ് വകുപ്പിൽ ഇക്കണോമിക്സ് ഗവേഷണത്തിനും അവസരമുണ്ട്. സംശയപരിഹാരത്തിന് phd@iiserkol.ac.in.

 

ബി) ഇന്റഗ്രേറ്റഡ് പിഎച്ച്ഡി: 2 വർഷം എംഎസ് + 4 വർഷം പിഎച്ച്ഡി. ബിഎസ്‌സി, ബിടെക്, എംബിബിഎസ് അഥവാ തുല്യയോഗ്യത വേണം. ബയളോജിക്കൽ / കെമിക്കൽ / എർത്ത് / ഫിസിക്കൽ സയൻസസ് വിഷയങ്ങളിൽ പഠനഗവേഷണങ്ങൾ. JAM / JGEEBILS / JEST യോഗ്യതാപരീക്ഷകളിലെ സ്കോർ വേണ്ടിവരും. ഇപ്പോൾ അപേക്ഷിക്കാം. വിശദാംശങ്ങൾ വെബ്സൈറ്റിൽ.

 

2) ഐസർ മൊഹാലി – www.iisermohali.ac.in. എ) പിഎച്ച്ഡി: ബയളോജിക്കൽ / കെമിക്കൽ / ഫിസിക്കൽ / മാത്തമാറ്റിക്കൽ / എർത്ത് & എൻവയൺമെന്റൽ / ഹ്യൂമാനിറ്റീസ് & സോഷ്യൽ സയൻസസിൽ ഗവേഷണം. GATE/CSIR or UGC-NET/ JEST/ GPAT/ ICMR-JRF/ DBT-JRF/ DBT-BINC/ ICAR-NET/ DST- INSPIRE യോഗ്യത വേണം. അപേക്ഷ ഏപ്രിൽ 30ന് ഉച്ചയ്ക്കു 12 വരെ.

 

ബി) ഇന്റഗ്രേറ്റഡ് പിഎച്ച്ഡി: മാത്‌സ്, ഫിസിക്സ്, കെമിസ്ട്രി, ബയോളജി വിഷയങ്ങളിൽ എംഎസ്, പിഎച്ച്ഡി ബിരുദങ്ങൾ നേടാം. ഓൺലൈൻ അപേക്ഷ ഏപ്രിൽ 20 വരെ.

 

3) നൈസർ, ഭുവനേശ്വർ (National Institute of Science Education & Research)– www.niser.ac.in. പിഎച്ച്ഡി ഗവേഷണവിഷയങ്ങൾ: ബയളോജിക്കൽ / കെമിക്കൽ / കംപ്യൂട്ടർ / എർത്ത് & പ്ലാനറ്ററി / ഫിസിക്കൽ / മാത്തമാറ്റിക്കൽ / ഹ്യൂമാനിറ്റീസ് & സോഷ്യൽ സയൻസസ്. ഓൺലൈൻ അപേക്ഷ മേയ് ഒന്നു വരെ.

4) സിഡിഎഫ്ഡി – (Centre for DNA Fingerprinting and Diagnostics, Hyderabad) – www.cdfd.org.in. കേന്ദ്ര ബയോടെക്നോളജി വകുപ്പിന്റെ നിയന്ത്രണത്തിലുള്ള സ്ഥാപനം. ആധുനിക ബയോളജിയുമായി ബന്ധപ്പെട്ട ഗവേഷണത്തിൽ താൽപര്യമുള്ളവരിൽ നിന്ന് റിസർച്–സ്കോളർഷിപ് പ്രോഗ്രാമിലേക്ക് മേയ് 9 വരെ ഓൺലൈൻ അപേക്ഷ സ്വീകരിക്കും. ഡിഎൻഎ ഫിംഗർ പ്രിന്റിങ് നടത്തുന്ന ഈ സ്ഥാപനത്തിന് പിഎച്ച്ഡി ഗവേഷണം നടത്താനും അംഗീകാരമുണ്ട്. സെൽ & മോളിക്യുലർ ബയോളജി, കംപ്യൂട്ടേഷനൽ ബയോളജി, ഡിസീസ് ബയോളജി, ജനറ്റിക്സ്, മോളിക്യുലർ ബയോളജി, ഇമ്യൂണോളജി എന്നീ വിഷയങ്ങളിൽ ഗവേഷണം നടത്താം. സംശയപരിഹാരത്തിന് rsp@cdfd.org.in.

 

5) സിസിഎംബി (Centre for Cellular and Molecular Biology Hyderabad) – www.ccmb.res.in.  പിഎച്ച്ഡി ഗവേഷണവിഷയങ്ങൾ: സെൽ ബയോളജി, മോളിക്യുലർ ബയോളജി, ജനറ്റിക്സ്, ജീനോമിക്സ്, ഡവലപ്മെന്റൽ ബയോളജി, പ്ലാന്റ് മോളിക്യുലർ ബയോളജി, കൺസർവേഷൻ ബയോളജി, ഇക്കോളജി, പ്രോട്ടീൻ സ്ട്രക്ചർ & ഫങ്ഷൻ, ബയോളജി ഓഫ് മൈക്രോമോളിക്യൂൾസ്, ബയോളജി ഓഫ് ഇൻഫക്‌ഷൻ, എപിജനറ്റിക്സ്, ക്രൊമാറ്റിൻ ബയോളജി, ബയോഇൻഫർമാറ്റിക്സ്. ഓൺലൈൻ അപേക്ഷ മേയ് 9 വരെ.

 

6) ഐഐടി തിരുപ്പതി – iittp.ac.in. പിഎച്ച്ഡി ഗവേഷണവിഷയങ്ങൾ: സിവിൽ / മെക്കാനിക്കൽ / ഇലക്ട്രിക്കൽ / കെമിക്കൽ എൻജിനീയറിങ്, കംപ്യൂട്ടർ സയൻസ് & എൻജിനീയറിങ്. ഓൺലൈൻ അപേക്ഷ ഏപ്രിൽ 30 വരെ.

English Summary: PhD In India

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com