സിബിഎസ്ഇ, ഐസിഎസ്ഇ: ഓൺലൈൻ പരീക്ഷാ ആവശ്യം തള്ളി

ന്യൂഡൽഹി ∙ സിബിഎസ്ഇ, ഐസിഎസ്ഇ 10, 12 ക്ലാസുകളിലെ ആദ്യപാദ പരീക്ഷ എഴുത്തുപരീക്ഷയായി നടത്തുന്നതിനു പുറമേ, ഓൺലൈനായും വേണമെന്ന് ആവശ്യപ്പെട്ടുള്ള ഹർജികൾ സുപ്രീം കോടതി തള്ളി. സിബിഎസ്ഇ പരീക്ഷ 16നു തുടങ്ങിക്കഴിഞ്ഞതിനാൽ ഈ ഘട്ടത്തിൽ ഇടപെടുന്നത് ഉചിതമല്ലെന്നു ജഡ്ജിമാരായ എ.എം. ഖാൻവിൽക്കർ, സി.ടി. രവികുമാർ എന്നിവരുൾപ്പെട്ട ബെഞ്ച് വ്യക്തമാക്കി. 22 മുതലാണ് ഐസിഎസ്ഇ പരീക്ഷകൾ ആരംഭിക്കുന്നത്.

എല്ലാ മുൻകരുതലുമെടുത്തു പരീക്ഷയ്ക്കു ള്ള നടപടികൾ മുന്നോട്ടുപോയതായി സിബിഎസ്ഇക്കു വേണ്ടി സോളിസിറ്റർ ജനറൽ തുഷാർ മേത്ത അറിയിച്ചു. മുൻകരുതൽ നടപടികളിൽ കോടതി സന്തുഷ്ടി പ്രകടിപ്പിച്ചു. 6 വിദ്യാർഥികളാണ് 2 രീതിയിലും പരീക്ഷ വേണമെന്ന ആവശ്യവുമായി കോടതിയെ സമീപിച്ചത്.

Content Summary : Supreme Court Refuses To Add Online Mode For CBSE, CISCE Board Exams