പ്ലസ് ടുവിനു ശേഷം ഏതു കോഴ്സ്? ഹൊറൈസൺ കാണാം

തുടർ പഠനത്തിന്റെ വാതായനങ്ങൾ തുറന്ന് മലയാള മനോരമ ഹൊറൈസൺ പ്രദർശനം കോട്ടയം നാഗമ്പടം രാജീവ് ഗാന്ധി ഇൻഡോർ സ്റ്റേഡിയത്തിൽ ഇന്നുകൂടി. സമയം രാവിലെ 10 മുതൽ രാത്രി 7 വരെ. വിവിധ സർവകലാശാലകളിലെയും കോളജുകളിലെയും പ്രതിനിധികളുമായി നേരിട്ട് ആശയവിനിമയം നടത്താനും പ്രവേശനം നേടാനുംഅവസരമുണ്ട്. വിദഗ്ധർ നയിക്കുന്ന സെമിനാറുകളുമുണ്ട്. 

കംപ്യൂട്ടർ സയൻസ്, മെക്കാനിക്കൽ, സിവിൽ, ഓട്ടമൊബീൽ, റോബട്ടിക്‌സ്, മൈനിങ്–പെട്രോളിങ്, നാനോ, ഇലക്‌ട്രോണിക് ആൻഡ് ഇലക്‌ട്രിക്കൽ, അഗ്രികൾചറൽ തുടങ്ങി വിവിധ എൻജിനീയറിങ് ശാഖകളെക്കുറിച്ച് മേളയിൽനിന്ന് അറിയാം. ഹോട്ടൽ മാനേജ്‌മെന്റ്, ഏവിയേഷൻ, ലോജിസ്റ്റിക്സ്, എയർപോർ‌ട്ട് മാനേജ്മെന്റ്, ടൂറിസം, ഷിപ്പിങ്, മറൈൻ, ബിസിനസ് അഡ്മിനിസ്ട്രേഷൻ, വാണിജ്യം, ഇന്റീരിയർ ഡിസൈനിങ്, ആർക്കിടെക്ചർ, നിയമപഠനം, ഫാഷൻ ടെക്നോളജി, തുടങ്ങിയ മേഖലകളിലെ സാധ്യതകൾ പരിചയപ്പെടാം. നഴ്സിങ്, പാരാ മെഡിക്കൽ കോഴ്സുകളെപ്പറ്റി മനസ്സിലാക്കാം. യുകെ, അയർലൻഡ്, കാനഡ, അമേരിക്ക എന്നിവിടങ്ങളിൽ സ്കോളർഷിപ്പോടെ പഠിക്കാനുള്ള സൗകര്യവുമുണ്ട്.  

വിദേശ ഉപരിപഠനം ആഗ്രഹിക്കുന്ന വിദ്യാർഥികൾക്കും അവരുടെ രക്ഷിതാക്കൾക്കും സംശയങ്ങൾ ദൂരീകരിക്കുവാനുള്ള അവസരവും പ്രദർശനത്തിലുണ്ട്. മലയാള മനോരമ ഹൊറൈസൺ വിദ്യാഭ്യാസ പ്രദർശനം 8ന് ജില്ലാ പൊലീസ് മേധാവി ഡി.ശിൽപ ഉദ്ഘാടനം ചെയ്തു. മനോരമ മാർക്കറ്റിങ് സർവീസസ് ആൻഡ് സൊല്യൂഷൻസ് വൈസ് പ്രസിഡന്റ് ജോയ് മാത്യു പ്രസംഗിച്ചു.

Content Summary : Manorama Horizon Education Exhibition Kottayam