ജെഇഇ മെയിൻ : 25ന് എഴുതുന്നവർക്കുള്ള അഡ്മിറ്റ് കാർഡ് ഇന്ന്

ന്യൂഡൽഹി ∙ ജെഇഇ മെയിൻ ഒന്നാം സെഷനുള്ള അഡ്മിറ്റ് കാർഡ് നൽകിത്തുടങ്ങി. 24നു പരീക്ഷ എഴുതുന്നവർക്കുള്ളതാണ് ഇന്നലെ വെബ്സൈറ്റിൽ (jeemain.nta.nic) ലഭ്യമാക്കിയത്. 25നു പരീക്ഷ എഴുതുന്നവർക്കുള്ള അഡ്മിറ്റ് കാർഡ് ഇന്നു ഡൗൺലോഡ് ചെയ്യാം. ഈ മാസം 24, 25, 28, 29, 30, 31, ഫെബ്രുവരി 1 തീയതികളിലാണ് പരീക്ഷ. ജനുവരി 27 നു നേരത്തേ പ്രഖ്യാപിച്ചിരുന്ന പരീക്ഷയാണ് ഫെബ്രുവരി ഒന്നിലേക്കു മാറ്റിയത്. രണ്ടാം സെഷൻ ഏപ്രിലിൽ ആരംഭിക്കും. ഹാൾടിക്കറ്റ് ‍ഡൗൺലോ‍ഡ് ചെയ്യാൻ ബുദ്ധിമുട്ട് നേരിട്ടാൽ 011-40759000 എന്ന നമ്പറിലോ jeemain@nta.ac.in എന്ന മെയിൽ ഐ‍ഡിയിലോ ബന്ധപ്പെ‌ടണമെന്ന് അധികൃതർ അറിയിച്ചു.