സെയിന്റ്ഗിറ്റ്സ് എംബിഎക്ക് എൻബിഎ അംഗീകാരം

കോട്ടയം ∙ സെയിന്റ്ഗിറ്റ്സ് ഇൻസ്റ്റിറ്റ്യൂട്ട് ഓഫ് മാനേജ്മെന്റിന്റെ എംബിഎ കോഴ്സിന് വീണ്ടും അക്രഡിറ്റേഷൻ. 2017 മുതൽ ഡൽഹിയിലെ നാഷനൽ ബോർഡ് ഓഫ് അക്രഡിറ്റേഷന്റെ (എൻബിഎ) അക്രഡിറ്റഡ് പദവിയുള്ള കോഴ്സിന് അടുത്ത മൂന്നുവർഷത്തേക്കു കൂടി ഈ അംഗീകാരം പരിശോധനാ സമിതി ശുപാർശ ചെയ്തു. 

വിദ്യാഭ്യാസരംഗത്തെ സൂക്ഷ്മാംശങ്ങളിൽ പോലും പുലർത്തുന്ന ഗുണനിലവാരമാണു സെയിന്റ്ഗിറ്റ്സിന്റെ വിജയത്തിനു പിന്നിലെ അടിസ്ഥാനപാഠമെന്നു  ഡയറക്ടർ തോമസ് ടി.ജോൺ പറഞ്ഞു. ആർട്ടിഫിഷ്യൽ ഇന്റലിജൻസ്, ബിസിനസ് / ഡേറ്റ അനലിറ്റിക്സ്, ഫിൻടെക് എന്നിവയിൽ സ്പെഷ‌ലൈസ് ചെയ്യാൻ ഇവിടെ അവസരമുണ്ട്. 

കോളജിലെ അധ്യാപകരെയും വിദ്യാർഥികളെയും ചെയർമാൻ പുന്നൂസ് ജോർജ് അഭിനന്ദിച്ചു. സെയിന്റ്ഗിറ്റ്സ് എൻജിനീയറിങ് കോളജിലെ സിവിൽ, മെക്കാനിക്കൽ, ഇലക്ട്രിക്കൽ, ഇലക്ട്രോണിക്സ്, കംപ്യൂട്ടർ സയൻസ്, എംസിഎ കോഴ്സുകൾ ഉൾപ്പെടെ 7 പ്രോഗ്രാമുകൾക്കാണു നിലവിൽ എൻബിഎ അക്രഡിറ്റേഷനുള്ളത്.

Content Summary : Saintgits College's  MBA Programme again got NBA Accreditation- Education News