കെഎഎസ് പ്രാഥമിക പരീക്ഷ ഫെബ്രുവരി 22ന്

കേരള അഡ്മിനിസ്ട്രേറ്റീവ് സർവീസ് (കെഎഎസ്) പ്രാഥമിക പരീക്ഷ ഫെബ്രുവരി 22ന്. മൂന്നു സ്ട്രീമുകളിലേക്കും പൊതുപരീക്ഷയാണ് നടത്തുക. അപേക്ഷ നൽകിയവർ ഡിസംബർ 25നകം ഒറ്റത്തവണ റജിസ്ട്രേഷൻ പ്രൊഫൈൽ വഴി പരീക്ഷ എഴുതുമെന്നുള്ള കൺഫർമേഷൻ നൽകണം പൊതുവിഭാഗമായ സ്ട്രീം ഒന്നിൽ 5.47 ലക്ഷം; ഉദ്യോഗസ്ഥർക്കായുള്ള 2, 3 സ്ട്രീമുകളിൽ യഥാക്രമം 26,950, 1750 പേർ വീതം. 

ഒബ്ജക്ടീവ് രീതിയിൽ നടത്തുന്ന പ്രാഥമിക പരീക്ഷയ്ക്ക് 100 മാർക്ക് വീതമുള്ള രണ്ടു പേപ്പറുകളാണുള്ളത്. സമയം 90 മിനിറ്റ് വീതം. പ്രാഥമിക പരീക്ഷ വിജയിക്കുന്നവർക്ക് മെയിൻ പരീക്ഷയുണ്ട്. വിവരണാത്മക രീതിയിൽ നടക്കുന്ന മെയിൻ പരീക്ഷയ്ക്ക് 3 പേപ്പറുകളാണുള്ളത്. ഇതിൽ വിജയിക്കുന്നവർക്ക് അഭിമുഖംകൂടി നടത്തി റാങ്ക് ലിസ്റ്റ് പ്രസിദ്ധീകരിക്കും. 50 മാർക്കിന്റെ അഭിമുഖമാണ് നടത്തുക. മെയിൻ പരീക്ഷയുടെയും അഭിമുഖത്തിന്റെയും അടിസ്ഥാനത്തിലാണ് റാങ്ക് ലിസ്റ്റ് തയാറാക്കുക.

English Summary : Kerala Administrative Services Exam