പരിശീലന സ്ഥാപനങ്ങൾക്കായി തൊഴിൽ വീഥി ഓൺലൈൻ ക്വിസ്‌

കേരളത്തിലെ മികച്ച മൽസരപ്പരീക്ഷാ പരിശീലന സ്ഥാപനത്തെ കണ്ടെത്താൻ മലയാള മനോരമ തൊഴിൽ വീഥിയുടെ നേതൃത്വത്തിൽ 'അക്കാദമി നമ്പർ 1' എന്ന പേരിൽ ഓൺലൈൻ ക്വിസ്‌ മൽസരം നടത്തുന്നു.

Q POSITIVE യുട്യൂബ്‌ ചാനലിലൂടെ മേയ്‌ 1 മുതൽ 30 വരെ തുടർച്ചയായ 30 ദിവസമാണു മൽസരം. കേരളത്തിന്റെ ക്വിസ്‌ മാൻ എന്നറിയപ്പെടുന്ന സൂപ്പർ ക്വിസ്‌ ട്രെയിനർ സ്നേഹജ്‌ ശ്രീനിവാസ്‌ മൽസരം നയിക്കും. 

ദിവസേന രാത്രി 7 നു Q POSITIVE യുട്യൂബ്‌ ചാനലിൽ 5 ചോദ്യങ്ങൾ നൽകും. ഉത്തരങ്ങൾ 70125 69672 എന്ന വാട്സാപ്‌ നമ്പറിലേക്ക്‌ പിറ്റേന്നു രാവിലെ 10 വരെ അയക്കാം. ഏറ്റവും ആദ്യം ശരിയുത്തരം അയയ്ക്കുന്നവർക്കാണു പോയിന്റ്‌. 

കേരളത്തിലെ ഏതെങ്കിലും മൽസരപ്പരീക്ഷാ പരിശീലന സ്ഥാപനത്തെ പ്രതിനിധീകരിച്ചാണു പങ്കെടുക്കേണ്ടത്‌. Q POSITIVE ഫെയ്സ്ബുക്‌ പേജിലെ ഗൂഗിൾ ഫോം പൂരിപ്പിച്ച്‌ മൽസരത്തിൽ പങ്കെടുക്കാൻ റജിസ്റ്റർ ചെയ്യണം. 70125 69672 എന്ന നമ്പറിൽ വാട്സാപ്‌ മെസേജ്‌ അയച്ചാലും ഗൂഗിൾ ഫോം അയച്ചുനൽകും. റജിസ്ട്രേഷൻ ആരംഭിച്ചിട്ടുണ്ട്‌. 

1 മുതൽ 30 വരെ മാർക്കിൽ ഏതെങ്കിലും ഒന്നായിരിക്കും ഓരോ ദിവസവും. ഒരു ദിവസം 5 പോയിന്റെങ്കിൽ അടുത്ത ദിവസം 20 പോയിന്റാകാം. അതതു ദിവസത്തെ മാർക്ക്‌ എത്രയെന്ന് അന്നന്നു പ്രഖ്യാപിക്കും. ഓരോ ദിവസത്തെയും ആദ്യ 3 സ്ഥാനക്കാർക്കു ബോണസ്‌ പോയിന്റുമുണ്ട്‌. 

30 ദിവസത്തെയും മൊത്തം പോയിന്റ്‌ കൂട്ടി 1, 2, 3 സ്ഥാനക്കാരെ കണ്ടെത്തും. ഏറ്റവും കൂടുതൽ മാർക്ക്‌ ലഭിക്കുന്ന പരിശീലന സ്ഥാപനത്തെ 'അക്കാദമി നമ്പർ 1' ആയി പ്രഖ്യാപിക്കും. 

വിജയികളെ കാത്തിരിക്കുന്നത്‌ കൈനിറയെ സമ്മാനങ്ങളാണു. സമ്മാനങ്ങളുടെയും മൽസരത്തിന്റെയും വിശദാംശങ്ങൾക്കായി തൊഴിൽ വീഥി കാണുക. ഉടനെ റജിസ്റ്റർ ചെയ്തു തയാറെടുക്കുക. ഈ ലോക്ഡൗൺ കാലത്തു നിങ്ങളെ കാത്തിരിക്കുന്നത്‌ അറിവിന്റെ കിരീടമാകാം. 

English Summary : Thozhilveedhi Online Quiz Academy NO.1