81 പിഎസ്സി വിജ്ഞാപനങ്ങളുമായി തൊഴിൽ വീഥി സ്പെഷൽ എഡിഷൻ
Mail This Article
ഫയർ വുമൺ തസ്തികയിലേക്ക് ആദ്യമായി നടത്തുന്ന നിയമനത്തിന്റേതടക്കം 81 പിഎസ്സി വിജ്ഞാപനങ്ങളുടെ സമ്പൂർണ വിശദാംശങ്ങളുമായി മലയാള മനോരമയുടെ പിഎസ്സി സ്പെഷൽ എഡിഷൻ തൊഴിൽ വീഥി വിപണിയിലെത്തി.
100 ഒഴിവുകളാണു ഫയർ വുമൺ തസ്തികയിലുള്ളത്. മത്സ്യഫെഡിലേക്കു നടത്തുന്ന ആദ്യ പിഎസ്സി നിയമനത്തിൽ 162 ഒഴിവുകളുമുണ്ട്. സ്പെഷൽ റിക്രൂട്മെന്റ് വഴി 230 പൊലീസ് കോൺസ്റ്റബിൾ, 41 സ്റ്റാഫ് നഴ്സ് നിയമനങ്ങൾ, ബൈട്രാൻസ്ഫർ വഴി 139 എൽപി സ്കൂൾ ടീച്ചർ അവസരം എന്നിവയും വിജ്ഞാപനത്തിൽ ഉൾപ്പെടുന്നു.
സ്റ്റേറ്റ് ബാങ്ക് ഓഫ് ഇന്ത്യയിൽ 8,500 അപ്രന്റിസ് ഒഴിവുകളിലേക്കു ബിരുദധാരികൾക്ക് അപേക്ഷിക്കാവുന്ന വിജ്ഞാപനത്തിന്റെ വിശദാംശങ്ങളുമുണ്ട്. ഗൾഫിൽ 100 നഴ്സ് ഒഴിവ്, അധ്യാപക, മാനേജർ തസ്തികകളിൽ അവസരം എന്നിങ്ങനെ ഒട്ടേറെ ഒഴിവുകൾ വേറെയും.
പിഎസ്സി ടെൻത് ലെവൽ പരീക്ഷയ്ക്ക് ഈ മാസം 23 മുതൽ കൺഫർമേഷൻ തുടങ്ങുകയാണ്. ഇതു സംബന്ധിച്ച വിശദാംശങ്ങളും പുതിയ ലക്കം തൊഴിൽ വീഥിയിൽ പ്രസിദ്ധീകരിച്ചിട്ടുണ്ട്. ടെൻത് ലെവൽ പരീക്ഷയ്ക്കു തയാറെടുക്കാനുള്ള 16 പേജ് പ്രത്യേക പതിപ്പ് തുടരുന്നു. ടെൻത് ലെവൽ പരീക്ഷാ സിലബസിലെ സാഹിത്യവിഭാഗം ചോദ്യങ്ങളുടെ വിപുലമായ ശേഖരം സൗജന്യ ബുക്ലെറ്റായ കോംപറ്റീഷൻ വിന്നറിൽ ഉൾപ്പെടുത്തിയിട്ടുണ്ട്.
English Summary: Kerala PSC: Thozhilveedhi