ചരിത്രത്തിൽ ഇന്ന് - ജനുവരി 19
Mail This Article
∙ ആത്മീയാചാര്യന് ഓഷോ രജനീഷ് അന്തരിച്ചു (1990). ചന്ദ്രമോഹൻ ജയിൻ എന്നായിരുന്നു യഥാർഥ പേര്.
∙ മലയാളത്തിലെ ആദ്യത്തെ ശബ്ദചിത്രം 'ബാലൻ ' റിലീസ് ചെയ്തു (1938) . എസ്. നൊട്ടാണിയായിരുന്നു സംവിധായകൻ .
∙ ലൈഫ് ഇൻഷുറന്സ് കോർപ്പറേഷൻ ഓഫ് ഇന്ത്യ (എൽഐസി) ദേശസാൽക്കരിക്കപ്പെട്ടു (1956) . 'യോഗക്ഷേമം വഹാമ്യഹം ' എന്നതാണ് എൽഐസിയുടെ ആപ്തവാക്യം .
∙ ആറ്റിങ്ങലിനു സമീപം അഞ്ചുതെങ്ങിൽനിന്നു വക്കം അബ്ദുൽ ഖാദർ മൗലവി 'സ്വദേശാഭിമാനി' പത്രം ആരംഭിച്ചു (1905).
∙ കോക്ബൊറോക് ദിനം . ത്രിപുരയുടെ ഒൗദ്യോഗിക ഭാഷയായി കോക്ബൊറോകിനെ അംഗീകരിച്ചത് 1979 ൽ ഇതേ ദിനത്തിലാണ്.
∙ ആവിയന്ത്രത്തിന്റെ സ്രഷ്ടാവായ സ്കോട്ടിഷ് ശാസ്ത്രജ്ഞൻ ജയിംസ് വാട്ട് ജനിച്ചു (1736). വൈദ്യുതി പവർ യൂണിറ്റിനു 'വാട്ട്' എന്ന പേര് നൽകിയത് ഇദ്ദേഹത്തിന്റെ പേരിൽ നിന്നാണ്.
English Summary : Thozhilveedhi Exam Guide - Today In History - January 19