‘ഹിന്ദുമതത്തിലെ കാൽവിൻ’ എന്നറിയപ്പെടുന്നത് ആര്?

∙ ബ്രിട്ടീഷ് നാവികക്കമ്പനി വൈറ്റ് സ്റ്റാർ ലൈനിന്റെ RMS ടൈറ്റാനിക് കപ്പൽ ഇംഗ്ലണ്ടിലെ സതാംപ്ടണിൽ നിന്ന് ആദ്യത്തെതും അവസാനത്തേതുമായ യാത്ര തുടങ്ങി (1912). നാലു ദിവസത്തിനു ശേഷം മഞ്ഞുമലയിൽ ഇടിച്ചു മുങ്ങി ആയിരത്തി അഞ്ഞുറിലേറെപ്പേർക്കു ജീവഹാനി.

∙ കൊല്ലം പരവൂർ പുറ്റിങ്ങൽ ദേവീക്ഷേത്രത്തിലെ മീനഭരണി ഉത്സവത്തിൽ വെടിക്കെട്ടിനിടെ പൊട്ടിത്തെറിയിൽ 111 മരണം (2016)..

∙ ‘കുട്ടനാടിന്റെ ഇതിഹാസകാരൻ’ തകഴി ശിവശങ്കരപ്പിള്ള അന്തരിച്ചു (1999), 1984 ലെ ജ്ഞാനപീഠം ജേതാവ്. ചെമ്മീൻ, കയർ, രണ്ടിടങ്ങഴി തുടങ്ങിയവ പ്രധാന കൃതികൾ.

∙ ഇന്ത്യയുടെ ആദ്യ കോൺഗ്രസ് ഇതര പ്രധാനമന്ത്രി മൊറാർജി ദേശായി അന്തരിച്ചു (1995). ഉപപ്രധാനമന്ത്രി , കേന്ദ്ര ആഭ്യന്തര–ധനമന്ത്രി, ബോംബെ സംസ്ഥാന മുഖ്യമന്ത്രി പദവികളും വഹിച്ചു.

∙ ലോക ഹോമിയോപ്പതി ദിനം. ഹോമിയോപ്പതി ചികിത്സാശാഖയുടെ ഉപജ്ഞാതാവ് സാമുവൽ ഹാനിമാന്റെ ജന്മദിനം (1755).

∙ സാമൂഹിക മതപരിഷ്കരണ സംഘടനയായ ആര്യസമാജം സ്വാമി ദയാനന്ദ സരസ്വതിയുടെ നേതൃത്വത്തിൽ ബോംബെയിൽ‌ നിലവിൽ വന്നു (1875). ‘ഹിന്ദുമതത്തിലെ കാൽവിൻ’ എന്നറിയപ്പെടുന്നതു  സ്വാമി ദയാനന്ദ സരസ്വതിയാണ്.

English Summary : Thozhilveedhi Exam Guide - Today In History - April 10