'ഇന്ത്യൻ നവോത്ഥാനത്തിന്റെ പിതാവ് ' എന്നറിയപ്പെടുന്നത് ആര്?

∙മംഗലാപുരം വിമാനത്താവളത്തിൽ എയർ ഇന്ത്യ എക്‌സ്പ്രസ് വിമാനം ലാൻഡ് ചെയ്യുന്നതിനിടെ അപകടം. 158 പേർക്കു ജീവൻ നഷ്ടപ്പെട്ടു (2010).

∙കേരളത്തിന്റെ പുതിയ നിയമസഭാ മന്ദിരം രാഷ്‌ട്രപതി കെ. ആർ. നാരായണൻ ഉദ്‌ഘാടനം ചെയ്‌തു (1998). 1979 ൽ രാഷ്‌ട്രപതി നീലം സഞ്ജീവറെഡ്‌ഡിയാണു തറക്കല്ലിട്ടത്. 

∙ഷെർലക് ഹോംസ്' എന്ന വിഖ്യാത ഡിറ്റക്ടീവ് കഥാപാത്രത്തിന്റെ സ്രഷ്‌ടാവ്‌ ആർതർ കോനൻ ഡോയൽ ജനിച്ചു (1859). ഡോക്ടറും ക്രിക്കറ്ററും ഫുട്‍ബോൾ ഗോൾ കീപ്പറുമായിരുന്നു.

∙യുഎൻ നേതൃത്വത്തിൽ രാജ്യാന്തര ജൈവവൈവിധ്യ ദിനമായി ആചരിക്കുന്നു. We're part of the solution എന്നതാണ് ഈ വർഷത്തെ പ്രമേയം. 

∙സിലോണിന്റെ പേര് ശ്രീലങ്ക എന്നു മാറ്റുകയും റിപ്പബ്ലിക് ആവുകയും ചെയ്‌തു (1972). കൊളംബോയും ശ്രീജയവർധനപുര കോട്ടെയുമാണു തലസ്ഥാനങ്ങൾ.

∙'ഇന്ത്യൻ നവോത്ഥാനത്തിന്റെ പിതാവ് ' എന്നറിയപ്പെടുന്ന രാജാറാം മോഹൻ റോയ് ജനിച്ചു (1772). ആത്മീയ സഭ, ബ്രഹ്മസമാജം എന്നിവയുടെ സ്ഥാപകൻ. ഇന്ത്യയിലെ പ്രാദേശിക പത്രപ്രവർത്തനത്തിന്റെ സ്ഥാപകരിലൊരാൾ.

English Summary: Exam Guide - May 22 - Today in history